„პოლიტიკოსებმა აქცენტი უნდა გააკეთონ მათ საარჩევნო პროგრამაზე და თავი დაანებონ სიძულვილის ენას. ეს დოკუმენტი იქნება დადებითი სიგნალი დასავლელი პარტნიორებისთვის. გადავშალოთ ახალი ფურცელი და გადავიდეთ ახალ პოლიტიკურ სტილზე“. პოლიტიკური ქცევის წესების განმსაზღვრელი საერთო კოდექსის შესახებ ამ დოკუმენტის შექმნის ინიციატორმა, „თავისუაფლი დემოკრატების“ ლიდერმა ვიქტორ დოლიძემ ტელეკომპანია „GDS“-ის ეთერში, გადაცემა „2030“-ში ისაუბრა.
„დოკუმენტში აღნიშნულია სახელმწიფო რესურსების არგამოყენება, სამხედრო პირების,სპეციალური ძალოვანი სერვისების დეპოლიტიზაცია, მასმედიის მიერ პოლიტიკურ სუბიექტებზე თანაბარი დროის დათმობა. საზოგადოების სტანდარტი ბევრად უფრო მაღალია, ვიდრე იყო 2012 წელს. საზოგადოებას აღარ უნდა მუქარა და შანტაჟი. ისინი ელოდებიან განსხვავებულ იდეებს უკეთესი პირობების შესაქმნელად. ამ პროგრამაზე იქნება დამოკიდებული მოსახლეობის გადაწყვეტილება საარჩევნო ყუთთან.
პრეზიდენტის პარლამენტში ვიზიტისას გაჟღერდა რამდენიმე ინიციატივა და ერთ-ერთი ეხებოდა წინასაარჩევნოდ ეთიკის ნორმების განსაზღვრას. ჩვენ გვსურს მივიღოთ დოკუმენტი,რომელიც გააერთიანებს ყველა საარჩევნო სუბიექტს, საპარლამენტოს თუ არასაპარლამენტოს. ამით მივიღებთ ბევრად უფრო მოწიფულ, განსხვავებულ საარჩევნო გარემოს.ბრიუსელში და სტრასბურგშიც გვქონდა ამ თემაზე მუშაობა.
პრეზიდენტი და პრემიერ მინისტრი მხარს გვიჭერს. პარლამენტის თავმჯდომარემ ამ დოკუმენტს მხარი დაუჭირა ასევე პარლამენტში. ჯერ -ჯერობით არ მიმიღია თანხმობა „ნაციონალური მოძრაობის“ და „გირჩისგან“. თუ პასუხისმგებლიანი პოლიტიკოსები ვართ, ყველაფერი უნდა გავაკეთოთ იმისთვის, რომ ქვეყანაში უკეთესი, ზნეკეთილი პოლიტიკური კონიუნქტურა შეიქმნას. საერთაშორისო პარტნიორებიც სთხოვენ მათ,რომ მხარი დაუჭირონ დოკუმენტს.ბოიკოტი არ არის პრობლემების გადაწყვეტის გზა“-განაცხადა ვიქტორ დოლიძემ.
მანანა ღოღობერიძე
