უნდა გვქონდეს თანხმობა, რომ ერთმანეთთან ურთიერთობაში არ გამოვიყენოთ სიძულვილის ენა, შეურაცხყოფის შემცველი ფრაზები. თუ ასეთ საკითხებზე გვექნება კონსენსუსი, აისახება წინასაარჩევნო გარემოზეც. პოზიტიურია,როდესაც ამ ტიპის კოდექსს უერთდება მთლიანი პოლიტიკური სპექტრი“. ამის შესახებ პარლამენტის პროცედურულ საკითხთა კომიტეტის თავმჯდომარემ გიორგი კახიანმა ტელეკომპანია „GDS“-ის ეთერში, გადაცემა „2030“-ში ისაუბრა.
„ეს არ არის სანქციების ერთობლიობა,რომლის დარღვევის შემთხვევაშიც პოლიტიკურ სუბიექტებს სასჯელი ელით. ეს არის დეკლარირებული ხასიათის აქტი. ამ დოკუმენტით ჩანს ხელისუფლების დამოკიდებულება,რომ არჩევნები ჩატარდეს დემოკრატიული სტანდარტებით.მივესალმები,რომ განცხადება წარმოდგენილია „თავისუფალი დემოკრატების“ მხრიდან. არ ვიცი რა გადაწყვეტიელებას მიიღებს „გირჩი“ და „ნაციონალური მოძრაობა“, თუმცა მათი ჩართვა ამ დოკუმენტში იქნება მნიშვნელოვანი.
რა თქმა უნდა არჩევნების დემოკრატიულად ჩატარება პირველ რიგში ხელისუფლების პასუხისმგებლობაა. ამ პროცესში მთავარი მოთამაშე არის ხელისუფლება, მაგრამ თავისი წილი პასუხისმგებლობა აქვს სხვადასხვა პოლიტიკურ ჯგუფს. არჩევნები არ არის არენა, სადაც ერთმანეთის მტრები უნდა გავხდეთ. უნდა დავამკვიდროთ ისეთი გარემო, რომ გვესმოდეს ჩვენ ვართ პოლიტიკური ოპონენტები და არა მტრები. ეს დეკლარირებული ხასიათის აქტი და პოლიტიკური ჟესტი არის პოზიტიური ნაბიჯი საარჩევნო გარემოს გასაჯანსაღებლად. არჩევნები არ არის მხოლოდ არჩევნების დღე. ეს არის რამდენიმე თვიანი პერიოდი და აუცილებელია ეს პერიოდი იყოს სამართლიანი“.
გიორგი კახიანმა გადაცემაში უფასო პოლიტიკური რეკლამის შესახებ ცვლილებებზეც ისაუბრა.
„თუ ადრე 1 წუთი გვეკუთნოდა, ახლა საზოგადოებრივ მაწუყებელზე გვეკუთვნის 27 წამი უფასო სარეკლამო დრო. ამის საფუძველი არის პოლიტიკური ძალების სიმრავლე, გაიზარდა კვალიფიციური სუბიექტების რაოდენობა და მათ თანაბარი შესაძლებლობა უნდა ჰქონდეთ“.
მანანა ღოღობერიძე
