„პოლიტიკური კრიზისის თავიდან აცილების ერთადერთი მექანიზმი არის მაღალი ატქივობა არჩევნებზე. თუ საარჩევნო უბნებზე რიგები დადგა, ვერც ერთი მხარე შეძლებს სავარაუდო გაყალბებას და ვერც მეორე მხარე ხელოვნური დესტაბილიზაციის მოწყობას“. „GFK“-ს წინასაარჩევნო კვლევის შედეგები პოლიტიკურმა ექსპერტმა გია ხუხაშვილმა ტელეკომპანია „რუსთავი-2“-ის ეთერში, გადაცემა „არჩევანში“ შეაფასა.
„ჯამური რაოდენობა არის მაღალი იმ ამომრჩევლის,რომელიც არ მიდის არჩევნებზე, ჩამოუყალიბებელი ამომრჩევლის და იმის,ვინც საერთოდ არ პასუხობს კითხვაზე. მთავარი პრობლემა სწორედ დაბალი აქტივობაა. ამ შემთხვევაში კითხვის ნიშნის ქვეშ დგება შედეგების ლეგიტიმაცია. ეს იქნება პოსტსაარჩევნოდ დაპირისპირების, ან შემდგომი ხელისუფლების დაბალი ლეგიტიმაციის საფუძველი. ეს აჩენს რისკს, რომ ხელისუფლება ვერ მიატანს პოლიტიკური ციკლის ბოლომდე.
მჯერა არ მჯერას კატეგორიებით არ ვისაუბრებ. ვეთანხმები იმ ტენდენციებს,რომლებიც კვლევაშია ასახული და რაც ლოგიკურია. „ნაციონალური მოძრაობა“ და „ქართული ოცნება“ ჯამურად ვერ ადგენენ ხელისუფლებას. ორპოლუსიანი პოლიტიკური პროცესი, საინფორმაციო ველის შევსება არ არის ლოგიკური. მნიშვნელოვანია მეორე პარამეტრი, რომელიც სამომავლო რისკებს ასახავს. ეს არის ამ ორი პარტიის ნეგატიური რეიტინგები, მაღალი პროცენტი ადამაინებისა,რომლებისთვისაც კატეგორულად მიუღებელლია როგორც ერთი,ასევე მეორე პოლიტიკური ძალა. ეს არის ნეგატიუად განწყობილი,აგრესიული ამომრჩეველი,რომელიც შესაძლო კრიზისის ფორმირების პროცესში ყველაზე აქტიურ მონაწილეობას მიიღებს.
ამ ორ პარტიას არ აქვს განვითარების რესურსი. ჩამოუყალიბებელი ამომრჩეველი ფიქრობს,რომ მას ყავს ცუდი ხელისუფლება და ასევე ცუდი ოპოზიცია „ნაციონალური მოძრაობის“ სახით. მათ 2003 წელს დიდი იმედებით ხმა „ნაციონალურ მოძრაობას“ მისცეს, შემდეგ იმედგაცრუების ფონზე ხმა მისცეს „ქართულ ოცნებას“ და აქაც იგივე გზა გაიარეს. ამ ორი პოლიტიკური ძალის დაბრუნება აღარ სურთ.“
გია ხუხაშვილმა სხვა საარჩევნო სუბიექტების შანსებზეც ისაუბრა.
„ყველაზე მაღალი თეორიული შანსი აქვს პაატა ბურჭულაძეს. დანარჩენი ძალები დამძიმებულია წარუმატებლობით, შეცდომებით. ერთადერთი პარტია,რომელმაც დაიწყო სუფთა ფურცლიდან, არის სწორედ პაატა ბურჭულაძის მოძრაობა. მოწონების ინდექსიც მაღალია, თუმცა ამომრჩეველი უნდა დარწმუნდეს ამ ძალის უნარში,რომ რეალურად შეუძლია ცვლილებების გატარება. ამ კუთხით პაატა ბურჭულაძეს ჯერ არაფერი გაუკეთებია და აგვიანებს. ის,ვინც ქუჩაში არის გასული და ეძებს არჩევანს, მათი შესრუტვის ყველაზე დიდი შანსი აქვს პაატა ბურჭულაძეს, თუმცა ჯერჯერობით ვერ იპოვა გასაღები მათთან მისასვლელად.
თუ მივიღეტ 65-70%-იანი აქტივობა, პარალმენტში მოხვედრის შანსი აქვთ სხვა პარტიებსაც, მათ შორის ნინო ბურჯანაძეს, პატრიოტთა ალიანსს, ლეიბორისტულ მოძრაობას. დაბალი აქტივობის შემთხვევაში მხოლოდ 3-4 პარტია გავა და თეორიული შანსი აქვს „ქართულ ოცნებას“ რომ მოიპოვოს უმრავლესობა, თუმცა ექნება სუსტი ლეგიტიმაცია. საზოგადოებას არ ექნება განცდა, რომ ეს მისი ხელისუფლებაა“.
მანანა ღოღობერიძე
