Online სწავლების მეთოდი შეფასებულია, როგორც რევოლუციური გზა, რომელიც გაძლევს საშუალებას მიიღო ინფორმაცია ყველგან და ყველაფერზე.
ფინანსებისა და ეკონომიკის საკითხებზე შექმნილი საგანმანათლებლო ვიდეო რგოლების „ხან აკადემიის“ დამფუძნებელი სალ ხანი ხსნის, რომ ამგვარი სწავლების მეთოდით ორგანიზაციები სწორედ ისეთ სამუშაო ძალის აყვანას შეძლებენ, როგორიც მათ სჭირდებათ. „ხან აკადემიის“ ვიდეო-გაკვეთილები ყველა ტიპის მსმენელზეა გათვლილი და ფინანსური და ეკონომიკური ცოდნის გაუმჯობესების გარდა მომხარებელს უკეთესი ფინანსური გადაწყვეტილებების მიღებაშიც ეხმარება.
სალ ხანმა ეს საქმიანობა, ჯერ კიდევ, 2004 წელს დაიწყო,როდესაც საკუთარ ბიძაშვილს ვიდეო-გაკვეთილებს უგზავნიდა. 2006 წელს მეგობრებისა და ნათესავების თხოვნით სალ ხანმა იუთუბზე საკუთარი არხი შექმნა და სამი წლის განმავლობაში მილიონზე მეტი მნახველი დააგროვა. „ხან აკადემიის“ დაარსების შემდეგ, გაჩნდა სურვილი რომ ეკონომიკური და ფინანსური საკითხების გარდა სხვა სფეროებიც მოესინჯათ. აი, ასე დაიწყო „ხან აკადემიამ“ გაზრდა მრავალფეროვანი საინფორმაციო გაკვეთილების თვალსაზრისით,რომელთა ნახვაც სრულიად უფასოდ შეეძლოთ დაინტერესებულ პირებს.
ქვემოთ იხილავთ ნაწყვეტს სან ხანთან ინტერვიუდან, რომელიც მაქკინსის ჟურნალისტმა ჯეიმს მანიკმა ჩაწერა. ინტერვიუში სან ხანი ხსნის იმ კონკრეტულ მიზეზებს, თუ რატომ ჯობია ტრადიციულ სწავლების მეთოდს ონლაინ გაკვეთილები.
„როდესაც ვსაუბროთ რაიმე საკითხზე, რომელიც ვირტულურობას უკავშირდება, ყოველთვის წარმოუდგებათ ადამიანებს ისეთი რამ, რაც ხელშეუხებელია და ამიტომ ყველაფერს ვირტუალურს უფრთხიან.
თუმცა როდესაც ვსაუბრობთ „ხან აკადემიაზე“, ჩვენ თვალწინ იშლება ძალიან შორს, განვითარებული ცივილიზაციისგან მოწყვეტილი სოფელი ინდოეთში,სადაც არც სკოლაა, არც საშუალება იმისა რომ ბავშვებმა ისწავლონ და არც სურვილი. ჩვენ კი შეგვიძლია ჩავიტანოთ მსოფლიოს ნებისმიერ კუთხეში „ხან აკადემიის“ ვიდეო გაკვეთილები და დავანახოთ ადამიანებს, რომ განათლება ყველასთვის ხელმისაწვდომია.
განათლების მიღება ჩვენ ფუნდამენტურ უფლებას წარმოადგენს, შესაბამისად, სახელმწიფომ საზოგადოებას უნდა შეუქმნას ყველანაირი პირობა იმისა,რომ მიიღონ განათლება. თუმცა ამ პირობებს ხანდახან ბევრი რამ უშლის ხელს. მათ შორის ომი და სხვა სოციალური პრობლემები. სწორედ იმისთვის შეიქმნა ეს ვიდეო გაკვეთილები, რომ ყველა სოციალური მდგომარეობის მქონე ადამიანს არამხოლოდ ერთი სპექტრის, არამედ სხვა მრავალი საკითხის ირგვლივ ნებისმიერ დროსა და ადგილას მიეღოთ ინფორმაცია.
ონლაინ გაკვეთილები ხელს უწყობს ადამიანებს შორის არსებული შესაძლებლობების სხვაობის შევსებას. რას ვგულისხმობთ? – ბევრი ადამიანი ვერ პოულობს სათანადო კადრს, და ბევრს უჭირს სამსახურის ძიება.
თუ შენ ხარ მაგალითისთვის, 40 ან 50 წლის და გსურს კარგი სამსახური, მაგრამ თვლი,რომ შენი გონება უკვე საკმაოდ „დაბერდა“ იმისთვის, რომ ჩააბარო უნივერსიტეტში ან გაიარო კურსები, ონლაინ ვიდეო გაკვეთილები ძალიან მოკლე დროში პრაქტიკული თვალსაზრისით იმაზე მეტ ცოდნას მოგცემს ვიდრე წარმოგიდგენია.
ყველაფერს, რომ თავი დავანებოთ, ჩვენ გაძლევთ საშუალებას აითვისოთ მსოფლიოს წამყვან ქვეყნებში არსებული საგანმანათლებლო რესურსები,ცოდნა და გამოცდილება. ამ ვიდეო გაკვეთილებით მოუსმენთ მსოფლიოს პროგრესულად მოაზროვნე ადამიანებს, რომლებსაც შესაძლოა ვერასდროს შეხვედროდით და ვერასდროს გაგეგოთ მათი აზრები იმ საკითხებზე, რომლებზეც უკვე გიფიქრიათ ან რომლებითაც ახლა ხართ დაინტერესებულნი.”
თემაზე მუშაობდნენ:
გიორგი მიქანაძე
ნათია კეკენაძე