„ჩვენი მიზანია ხალხს ვუთხრათ, როგორ გავზრდით ინვესტიციებს, როგორ დავასაქმებთ ხალხს, გვჭირდება ბიუროკრატიის შემცირება და ინოვაციური მიდგომები. სხვადასხვა პარტიებს ვხვდები და ვმართავთ კონსულტაციებს.საერთო პრინციპების მქონე ძალებთან თანამშრომლობა აუცილებელია“. ამის შესახებ სამოქალაქო პლატფორმა „ახალი საქართველოს“ ლიდერმა გიორგი ვაშაძემ „GDS“–ზე, გადაცემა „2030“–ის ეთერში ისაუბრა.
„ხალხი დაიღალა ტყუილი დაპირებებით, უკმაყოფილებაა მთლინად პოლიტიკური სპექტრის მიმართ. ჩვენი მთავარი დაპირებაა, რომ უნდა შეიცვალოს მთლიანად პოლიტიკური სპექტრი. საქართველოს ახალი პოლიტიკური კლასი სჭირდება. შეჯიბრია პარტიებს შორის თუ ვინ რამდენით გაზრდის პენსიებს.
დღეს საქართველოს კლავს ექსკლუზიური, ბიუროკრატიული კომპეტენციები. მოსახლეობა გაჭირვებულია და პრობლემას ერთი გამგებელი წყვეტს. ის, რომ გლეხი მიწას ვერ ირეგისტრირებს, ქმნის პრობლემას სამეწარმეო საქმიანობის განვითარებისთვის. ეს პრობლემები ადრეც იყო, მაგრამ „ქართულმა ოცნებამ“ იმის ნაცვლად, რომ გამოესწორებინა, გადაიღო ყველაზე უარესი ფორმებით ის, რაც ცუდი იყო.
ჩვენს პოლიტიკურ გაერთიანებას ცნობადობა უკვე საკმაოდ დიდი აქვს, თუმცა ერთია ბარიერის გადალახვა და მეორე, რომ მეტი წვლილი, რომ შევიტანოთ ქვეყნის განვითარების პროცესში. ეს პოლიტიკაა და რაც აუცილებლი იქნება კარგი შედეგისთვის, ყველაფერი გასაკეთებელია. ამიტომ საარჩევნო ბლოკის შექმნას არ გამოვრიცხვ. კონკრეტულ სახელებს ვერ გეტყვით, მაგრამ რა თქმა უნდა ეს იქნება პროდასავლური ძალები. „გირჩს“ და ჩვენ ბევრი საერთო გეგმები გვაქვს. დაღლილს ჩვენ ვერ გვნახავთ, ვიცით ქვეყანა როგორ უნდა დადგეს ფეხზე.
არჩევნებამდე სხვადასხვ ჯგუფების ჩატარებულ ბევრ კვლევას ვნახავთ, სადაც რადიკალურად განსხვავებული შედეგები იქნება. ეს კვლევაც არის სუბიექტური კომპონენტებით შედგენილი. დღეში 3–4 რაიონში მაქვს შეხვედრები და კვლევა ამბობს,რომ ხალხი იმედგაცრუებულია. „ქართულ ოცნებას“ თავისი პროგრამაც კი არ წარმოუდგენია. ერთადერთი რაზეც აქცენტს აკეთებს, არის ცუდი დ უარესი. უნდა აჩვენოს,რომ მხოლოდ „ნაციონალური მოძრაობაა“ წინააღმდეგი და ის უარესია,ვიდრე მე. ასარჩევია წარსულსა და მომავალს შორის. ეს პოლიტიკური ძალები არიან საქარველოს წარსული და მომავალი ვართ ჩვენ, ახალი თაობის ადამიანები პოლიტიკაში, რომელთაც აქვთ ცოდნაც, პროფესიონალიზმიც,“ – განაცხადა გიორგი ვაშაძემ.
მანანა ღოღობერიძე
