რეგიონული განვითარებისა და ინფრასტრუქტურის მინისტრმა, დავით ნარმანიამ ოზურგეთში სტიქიის შედეგად დამეწყრილი ადგილები მოინახულა.
როგორც მინისტრმა ჟურნალისტებთან საუბარში განაცხადა, გურიაში სტიქიის შედეგად რთული ვითარება შეიქმნა. მისი თქმით, ამ ეტაპზე მიმდინარეობს გაწმენდითი სამუშაოები და დამატებითი ჯგუფები გაწმენდით სამუშაოებში დასახმარებლად იმერეთიდან გამოიძახეს.
როგორც ნარმანიამ განაცხადა, 3 დღეში ცნობილი იქნება ზარალის პირველადი მონაცემები, მთავრობა კი ადგილობრივ ხელისუფლებას სტიქიის სალიკვიდაციო სამუშაოებში დაეხმარება.
მოსახლეობამ მინისტრთან საუბარში აღნიშნა, რომ ყველაზე მთავარი პრობლემა სანიაღვრე სისტემის გაუმართაობაა, რის გამოც, ხშირად ხდება წყალდიდობები.
19.08.13
