„ეს არ იყო მხოლოდ წამახალისებელი შემოსეირნება. ისინი ჩამოვიდნენ არა მხოლოდ საგარეო უსაფრთხოებასთან დაკავშირებული გზავნილებით. განსაკუთრებით დატვირთული იყო ჯონ კერის ვიზიტი. ეს იყო სერიოზული გაფრთხილება“. ამის შესახებ „თავისუფალი დემოკრატების“ ლიდერმა ალექსი პეტრიაშვილმა „რუსთავი-2“-ზე, გადაცემა „შაბათის კურიერში“ ისაუბრა.
„სერიოზული ნაბიჯები იდგმება. ამის დადასტურებაა გერმანიის საგარეო საქმეთა მინისტრის და ამერიკის შეერთებული შტატების სახელმწიფო მდივნის ვიზიტები საქართვლოში ვარშავის სამიტის წინ.
ეს არ არის არც უკან დახევა და არც ადგილზე ტკეპნა. ეს არ არის „ნატო“-ში მიპატიჟება, მაგრამ არის მნიშვნელოვანი გზავნილები „ნატო“-ს წევრი სახელმწიფოების ლიდერებისგან. ზოგს ეს მიაჩნია ფუჭად დაკარგულ დროდ. ეს საზოგადოების შეცდომაში შეყვანის მცდელობაა . მნიშვნელოვანი მიღწევაა,რომ საქართველოში ჩამოვა ჩრდილო-ატლანტიკური საბჭო. გაწევრიანების სამოქმედო გეგმა არის პოლიტიკური ნაწილი და უნდა გაგრძელდეს მუშაობა, რომ ეს გადაიქცეს ფორმალობად მიპატიჟების წინ.
„თავისუფალი დემოკრატები“ შეეხნენ მედია-პლურალიზმს და რა თქმა უნდა ყველა მედია-საშუალებასთან დაკავშირებულ საკითხებს. რეალურად ყველაზე მეტი საუბარი იყო „რუსთავი-2“-ზე და ამაში დასამალი არაფერია. „რუსთავი-2“-ის საქმე მიბმულია არჩევნებს ლეგიტიმაციასთან და ამ არჩევნების შედეგების საერთაშორისო აღიარებასთან. გაფორმდა მნიშვნელოვანი მემორანდუმი, რომ საქართველოს თავდაცვისუნარიანობა განმტკიცდეს ხმელეთზე, ჰაერში და ზღვაში.
ასეთი დონის ვიზიტის გადაწყვეტილების მიღებაში, მომზადებაში მნიშვნელოვანია საელჩოს როლი. არჩილ გეგეშიძის განმარტებები ჯერ არ მომისმენია, თუმცა არ მგონია,რომ მას უნდა შეუწყდეს უფლებამოსილება. გადაცდომები ყველას აქვს, მაგრამ ის,რომ საქარველოში ჩამოდის ამერიკის შეერთებული შტატების სახელმწიფო მდივანი, ამაში თავისი წვლილი როგორც მთელ დიპლომატიურ გუნდს, ისე კონკრეტულად ელჩსაც აუცილებლად მიუძღვის“-განაცხადა ალექსი პეტრიაშვილმა.
მანანა ღოღობერიძე
