ქართული ოცნება-დემოკრატიული საქართველო“ ქალაქ ნიცაში მომხდარი ტერორისტული აქტის გამო საფრანგეთის მთავრობასა და ფრანგ ხალხს სამძიმარს უცხადებს.
”ეს არის შემაძრწუნებელი ტრაგედია. სამწუხაროა, რომ მორიგ ტერორისტულ აქტს კვლავ უდანაშაულო ადამიანები შეეწირნენ.
ეს არის მსოფლიო ტრაგედია, თითოეული ჩვენგანის ტრაგედია. მომხდარმა ტერორისტულმა აქტმა კიდევ ერთხელ დაგვანახა, რომ სისასტიკესთან გამკლავება შეუძლებელია ცივილიზებული მსოფლიოს ერთობლივი და უკომპრომისო ბრძოლის გარეშე.
დიდი გულისტკივილით ვუთანაგრძნობთ დაღუპულთა ოჯახებს, ფრანგ ხალხს, საფრანგეთის მთავრობას. გამძლეობას ვუსურვებთ მათ ამ მძიმე წუთებში“, – ნათქვამია პარტიის განცხადებაში.
ბოლო მონაცემებით, ნიცაში თავდასხმის შედეგად დაღუპულთა რაოდენობა 84-მდე გაიზარდა. გუშინ, ადგილობრივი დროით 23:00 საათზე ნიცაში, სადაც მოსახლეობა ეროვნულ დღესასწაულს, ბასტილიის აღების დღეს აღნიშნავდა, ხალხში სატვირთო ავტომობილი შევარდა და უამრავი ადამიანი იმსხვერპლა, რის შემდეგაც იქ მყოფებს ცეცხლი გაუხსნა. ადგილზე მისულმა სამართალდამცველებმა თავდასხმელის ლიკვიდაცია მოახდინეს. პასუხისმგებლობა თავდასხმისთვის ჯერ არც ერთ დაჯგუფებას არ აუღია.
