საქართველოს სახელმწიფო ოპერისა და ბალეტის თეატრის 164-ე სეზონის დახურვა, 23 ივლისამდე გადაიდო. როგორც ”თბილისი თაიმსს” სახელმწიფო ოპერის ადმინისტრაციიდან აცნობეს, 17 ივლისით დათარიღებული ბილეთების გამოყენება 23 ივლისს იქნება შესაძლებელი. მათივე ინფორმაციით, ბილეთის დაბრუნების სურვილის შემთხვევაში საფასური ანაზღაურდება.
სეზონს ზაქარია ფალიაშვილის ოპერა ”აბესალომ და ეთერი” დახურავს, რომელშიც მონაწილეობას საქართველოს სახალხო არტისტები მიიღებენ. სპექტაკლი 23 ივლისს, 19:00 საათზე დაიწყება.