თბილისის ტრანსპორტის საქალაქო სამსახურის ხელმძღვანელი მამუკა მუმლაძე გახდა. მის კანდიდატურას თბილისის საკრებულოს დღევანდელ სხდომაზე მხარი 24-მა დეპუტატმა დაუჭირა, ორმა თავი შეიკავა, ერთი კი, წინააღმდეგი იყო.
სხდომაზე მამუკა მუმლაძის კანდიდატურა თბილისის მერის მოადგილემ, ირაკლი ლექვინაძემ წარადგინა. ლექვინაძემ მამუკა მუმლაძის საქმიანობის შესახებ ისაუბრა და განაცხადა, რომ იგი ტრანსპორტის საქალაქო სამსახურის უფროსის მოადგილე იყო. ასევე გარკვეული პერიოდის განმავლობაში მუშაობდა თბილისის სატრანსპორტო კომპანიაში.
