გასულ წელს მსოფლიოს 17 ქვეყანაში საზოგადოებრივი აზრის გამოკითხვა ჩატარდა, კითხვა მდგომარეობდა შემდეგში – როგორ ფიქრობთ მსოფლიო უკეთესობისკენ მიდის, თუ პირიქით? მსოფლიოს ზოგიერთ ქვეყანაში გამოკითხულთა 81% ფიქრობს, რომ ცხოვრება წარსულში ბევრად უკეთესი იყო,ვიდრე ახლა.
გთავაზობთ, გამოკითხვის შედეგებს.
მუქი ცისფერით ნაჩვენებია იმ ადამიანების რაოდენობა,რომლებიც თვლიან,რომ ცხოვრება უმჯობესდება, შედარებით ღია ცისფერი ფერი ასახავს ადამიანებს, რომლებიც ფიქრობენ,რომ არც უმჯობესდება და არც უარესობისკენ მიდის, ხოლო მწვანე ფერით – ის ადამიანები, რომელთა აზრითაც ცხოვრების დონე უარესდება.
საინტერესოა, რომ ჩინეთის მოსახლეობის უმეტესობა ფიქრობს,რომ მათი ცხოვრება უმჯობესდება, თუმცა ავსტრალიისა და საფრანგეთის მოქალაქეების ძალიან მცირე ნაწილი ეთანხმება ჩინელებს. მათი უდიდესი ნაწილი (საფრანგეთი -81, ავსტრალია-70) ფიქრობს, რომ ცხოვრება უარესდება.
სტატისტიკაში ასევე საინტერესოა გამოვყოთ სკანდინავიის ქვეყნების მაჩვენებლები. დანიის, ნორვეგიისა და შვედეთის მოსახლეობის უმრავლესობაც პესიმისტურად არის განწყობილი.
Weforum -ის ჟურნალისტი არსებულ სტატისტიკას უპირისპირებს სხვა სტატისტიკებსაც და უკვირს ასეთი შედეგი. მაგალითისთვის, განათლების ხარისხის გაუმჯობესების პროცესი რიცხვებში შემდეგნაირია: იგი 1820 წელს 12%-დან, 2010 წელს 83%-მდე გაუმჯობესდა.
მეორე სტატისტიკით, თუ 1980 წელს მსოფლიოს მოსახლეობის 44% იმყოფებოდა უკიდურესი სიღარიბის ქვეშ, 2012 წლის სტატისტიკით ეს მონაცემები 12%-ითაა შემცირებული.
გრაფიკზე ნაჩვენებია სიღარიბის მაჩვენებლის დაცემის პროცესი წლების მიხედვით ადამიანებზე, რომელთა სიცოცხლეც დღეში $1,25 ნაკლებ ამერიკულ დოლარზეა დამოკიდებული.
განვითარების ის ხარისხი, რაც უკვე აღინიშნა დიდწილად დამოკიდებულია საერთაშორისო ვაჭრობაზე, გახსნილობასა და ურთიერთობებზე. თუმცა, გლობალიზაციას, დღესდღეობით, უფრო მეტი მოწინააღმდეგე ჰყავს, ვიდრე მომხრე.
ბევრი თვლის, რომ გლობალიზაციის დადებითი შედეგები ჩვეულებრივ ადამიანებზე ნაკლებად აისახება. მისით სარგებლობენ განვითარებული ქვეყნები, რომლებიც საკუთარი ინტერესების გატარებას სწორედ გლობალიზაციის კალთის ქვეშ ახერხებენ.
„გლობალიზაციის ისტორიაში“ ერთ-ერთი მნიშვნელოვანი თარიღი დაფიქსირდა. ეს იყო 23 ივნისი, როდესაც ისტორიული რეფერენდუმით ბრიტანეთი გავიდა ევროკავშირიდან.
მსოფლიომ ეს ფაქტი უკვე შეაფასა არა როგორც უარი – ევროპას, არამედ როგორც უარი – გლობალიზაციის პროცესს. საინტერესოა, გაუძლებს კი ამ გამოცდას გლობალიზაცია?!
თვლიან,რომ არ არსებობს გლობალური მსოფლიო, ხალხი უბრალოდ ცხოვრობს ციხეში,რომლის კარებიც ღიაა, თუმცა ზღურბლს გადააბიჯებ, თუ არა გეტყვიან – „შენი ადგილი უნდა იცოდე“.
ნობელის პრიზიორი და ცნობილი ეკონომისტი ჯოზეფ სტიგლიცი წერს, რომ მთავარი მიზეზი, რის გამოც მსოფლიო ბაზარზე დღეს მოთხოვნა შემცირებულია, არის მზარდი უთანასწორობა. მარტივად, რომ ავხსნათ, საშუალო ფენა თითქმის არ არსებობს და გაქრობის პროცესშია, მდიდრები კი ნაკლებს ხარჯავენ იმათთან შედარებით, ვინც ღარიბია.
წყარო: weforum.org
მასალაზე მუშაობდნენ:
გიორგი მიქანაძე
ნათია კეკენაძე
