ტრადიციონალისტთა კავშირის ლიდერის აკაკი ასათიანის განცხადებით, მან კუთვნილი ბინა დაცალა, რადგან ბინა ამჟამად ბანკის საკუთრებაშია.
როგორც ასათიანმა დღეს “პრაიმ ტაიმის” პრესკლუბში განაცხადა, მის კუთვნილ ბინასთან დაკავშირებით ბანკთან პრობლემები იყო.
“ბინა დავცალე, რასაც პოლიცია ესწრებოდა. ეს ბინა ამჟამად ბანკს ეკუთვნის, ეს ჩემი პრობლემების გამო მოხდა. მე მაქვს კიდევ სხვა პრობლემები კერძო ადამიანებთან ვალის სახით. მე ვარ იმ მძიმე მდგომარეობაში, რაშიც ჩვენი ქვეყანა აღმოჩნდა ამ საკითხისადმი სახელმწიფოებრივი დამოკიდებულების გამო”, _ აღნიშნა აკაკი ასათიანმა.
მისივე განცხადებით, ამგვარ მდგომარეობაში იმყოფება ათასობით ადამიანი.
“მსგავსი პრობლემა ძალიან ბევრ ადამიანს აქვს, ამ თემის გადადება- გადმოდების აღსრულების შეჩერება ვერ ხერხდება. სახელმწიფო პოლიტიკა იყოს დანაშაულებრივი, როცა მთელი ქვეყანა იქცა მევალეებად და მოვალეებად”, _ აღნიშნა აკაკი ასათიანმა.
აკაკი ასათიანი საკუთარი ბინიდან გუშინ გამოასახლეს.
21.08.13
