შსს-ს კახეთის პოლიციის დეპარტამენტის თელავის რაიონული სამმართველოს თანამშრომლებმა, ჩატარებული საგამოძიებო მოქმედებების შედეგად, 1969 წელს დაბადებული თემურ ფ. ცემის ფაქტზე გამოავლინეს.
როგორც ”თბილისი თაიმსს” სამინისტროდან აცნობეს, გამოძიებამ დაადგინა, რომ თემურ ფ.-მ მიმდინარე წლის 4 აგვისტოს, თელავში, ჭავჭავაძის მოედანზე, ურთიერთშელაპარაკებისას, 1982 წელს დაბადებულ რომან ქ.-ს ფიზიკური შეურაცხყოფა მიაყენა.
”დაზარალებულს შესაბამისი ექსპერტიზა ჩაუტარდა. თელავის რაიონული სამმართველოს თანამშრომლებმა თემურ ფ.-ს ბრალი ცემის ფაქტზე წარუდგინეს. ბრალდებული ჩადენილ დანაშაულს აღიარებს.
გამოძიება საქართველოს სსკ-ის 125-ე მუხლის 1-ლი ნაწილით მიმდინარეობს”, – ნათქვამია სამინისტროს განცხადებაში.
ინციდენტი თელავში „სოციალისტური საქართველოს“ ყრილობის ჩატარების მცდელობისას მოხდა. ვალერი კვარაცხელიას „სოციალისტური საქართველოს“ სადამფუძნებლო ყრილობას თელავში აქციით დახვდნენ. „სოციალისტური საქართველოს“ ღონისძიება „გირჩისა“ და პარტია „ახალი საქართველოს“ წევრებმა გააპროტესტეს. სოციალისტური საქართველოს” წევრები და კონტრაქციის მონაწილეები ერთმანეთს ფიზიკურად და სიტყვიერად დაუპირისპირდნენ.
აქციაზე ჯერ „სოციალისტური საქართველოს“ ერთ-ერთ დამფუძნებელს, გრიშა ონიანსა და “გირჩის“ თელავის მაჟორიტარი დეპუტატობის კანდიდატ ტორესა მოსის შორის შელაპარაკება მოხდა. მოგვიანებით ”სოციალისტური საქართველოს” ერზთერთი ლიდეირ თემურ ფიფია აქციის ერთ-ერთ მონაწილეს ფიზიკურად გაუსწორდა.
ამ ინციდენტის შემდეგ „სოციალისტური საქართველოს“ ლიდერებმა ყრილობის ჩატარებაზე უარი თქვეს და ერეკლე მეორის ძეგლი გვირგვინით შეამკეს.
