7 და 8 ოქტომბერს „ფაბრიკაში“ (ნინოშვილის ქ.#8) 22:00 საათზე საქართველოში გერმანიის საელჩოსა და ორგანიზაცია MitOst-ის ორგანიზებით, გერმანული ახალგაზრდული ბენდის “Die Höchste Eisenbahn” კონცერტი გაიმართება. ეს ცნობილი ახალგაზრდული მუსიკალური ჯგუფი თბილისში ბერლინიდან ჩამოდის და ქართველი მსმენელის წინაშე ახალი ალბომით “ახლა ვინ მიმიყვანს სხვებთან?” (“Wer bringt mich jetzt zu den Anderen”) პირველად წარსდგება.
7 ოქტომბერს „ფაბრიკაში“ 14:30 საათიდან 17:30 საათამდე ახალგაზრდა ქართველი მუსიკოსებისთვის გერმანული ბენდის წევრები ფრანჩესკო ვილკინგი და მორიც კრემერი ჩაატარებენ ვორკშოპს სახელწოდებით “ახლა ვინ მიმიყვანს სხვებთან? აღმოსალეთისა და დასავლეთის მუსიკალური შეხვედრა”(“Wer bringt mich jetzt zu den Anderen? Eine musikalische Begegnung mit Ost und West”). ვორკშოპის ფარგლებში MitOst Festival-ის სტუმრები და გერმანულად მოსაუბრე ქართველი სტუდენტები ერთმანეთს გამოცდილებას გაუზიარებენ და ახალი სიმღერების ტექსტებს შექმნიან იმაზე რაც გვაერთიანებს. იმავე საღამოს კონცერტზე დაუკრავს ქართული ბენდიც „Mebo Renard“.
2016 წლის 29 ოქტომბრიდან იწყება ბენდის გერმანული საკონცერტო ტურნე: როსტოკი, ბრემენი, მიუნხენი, ჰრანკფურტი, კიოლნი, ჰანოვერი, დრეზდენი, ლაიპციგი, ესენი, ბერლინი, ჰამბურგი…
ბენდის შესახებ: “Die Höchste Eisenbahn” გერმანული ბენდია ბერლინიდან, რომლის ძირითადი წევრები არიან მომღერლები და სიმღერების ავტორები ფრანჩესკო ვილკინგი და მორიც კრემერი. ჯგუფ „ტელეს“ მომღერალი ფრანჩესკო ვილკინგი და მორიც კრემერი თავდაპირველად დრეზდენში ერთობლივ კონცერტს გეგმავდნენ. შემდეგ ამას მოჰყვა სხვა საერთო კონცერტები და ასე წარმოიშვა 2011 წელს ერთობლივიბენდის პროექტი, რომელსაც ვილკინგმა Die Höchste Eisenbahn დაარქვა, რაც ქართულად „ყველაზე მაღალ რკინიგზას“ ნიშნავს, რადგან ძალიან მოსწონდა სურათი, რომელზეც გამოსახული იყო მაღალ ბოძებზე აშენებულ რკინიგზაზე მიმავალი მატარებელი. პირველ კონცერტზე ვილკინგსა და კრემერს ნაწილობრივ გიზბერტ კნიპჰაუზენი და ჯგუფის “Wir sind Helden“ (ჩვენ გმირები ვართ) მომღერალი იუდით ჰოლოფერნესი ეხმარებოდნენ. ერთ-ერთი შემდეგი ტურნეს დროს 2012 წლის შემოდგომაზე და ასევე პირველი მინი-ალბომის (EP) ჩაწერისასბენდს შემოუერთდნენ მაქს შრიოდერი (ჯგუფები: Tomte, Olli Schulz და der Hund Marie) და ფელიქს ვაიგთი (ჯგუფები: Kid Kopphausen, Spaceman Spiff). მინი-ალბომი „Unzufrieden“ (ქართულად: „უკმაყოფილო“) 2012 წლის 14 სექტემბერს Tapete Records-მა გამოუშვა, რომლის ჩაწერაში ასევე მონაწილეობდნენ ჰოლოფერნესი (სიმღერაში „Vergangenheit“) და კნიპჰაუზენი (სიმღერაში „Der Himmel ist Blau“). სადებიუტო ალბომი „Schau in den Lauf, Hase“ 2013 წლის 8 ნოემბერს გამოვიდა. 2015 წელს ბენდმა ოთხი წევრის შემადგენლობით დაიწყო მეორე ალბომზემუშაობა, რომელიც გამოვიდა 2016 წლის 26 აგვისტოს სახელწოდებით „Wer bringt mich jetzt zu den Anderen (ქართულად: „ახლა ვინ მიმიყვანს სხვებთან“).
დასწრება თავისუფალია! გთხოვთ გაითვალისწინოთ, რომ ადგილები შეზღუდულია.