„აბსურდული და ღიმილისმომგვრელია,რომ გივიმ თვითონ თავის მანქანაში ჩაიდო ბომბი და აიფეთქა თავი. გამოვრიცხავ,რომ ეს არის „ქართული ოცნების“ გაკეთებული და მათი ინტერესი იყო. ვიზიარებ,რომ ეს არის ტერაქტი“. კოლმეურნეობის მოედანზე მომხდარი აფეთქების შესაძლო მიზეზებზე „თავისუფალი დემოკრატების“ ერთ–ერთმა ლიდერმა ალექსი პეტრიაშვილმა „ტვ–პირველზე“, გადაცემა „ინგა გრიგოლიას დღის ამბების“ ეთერში ისუაბრა.
„კიდევ არაუშავდა,როცა მხოლოდ სიტყვიერი შელაპარაკებები და პლაკატების ომი იყო. ამ ფაქტის ერთმანეთზე გადაბრალებით უმძიმესი ფონი იქმნება. აქ არის ლოკალური პოლიტიკური თამაშები ორ სუბიექტს შორის. თავქარიანი კრიმინალური ელემენტებისგან თავის დროზე უნდა გაწმენდილიყო პოლიტიკური გარემო, სახელისუფლებო პარტიაში ასეთი ელემენტები რა თქმა უნდა არიან. ეს ყველაფერი ხელოვნურად და მიზანმიმართულად არის შექმნილი,რომ ორივე პოლიტიკურ ძალას აწყობდეს. ისინი აჩვენებენ შავს და თეთრს.
ვწუხვარ,რომ ეს არის მთავარი თემა და არა ის უმნიშვნელოვანესი და პოზიტიური ახალი ამბავი,რომელიც ცოტა ხნის წინ გახდა ცნობილი. ეს არის ევროკავშირის საბჭოს მუდმვი წარმომადგენლების გადაწყვეტილება. ვულოცავ ყველას ვისაც საქართველოს ევროპაში დამკვიდრება უხარია. ამ გადაწყვეტილების მიღებაში ბევრმა ჩემმა თანაგუნდელმა შეიტანა წვლილი. ყველაზე ცბიერად და აგრესიულად ჩვენი ქვეყნის ევროკავშირში და ნატოში ინტეგრაციის წინააღმდეგ მოქმედებდა კონკრეტული ქვეყანა, ეს არის რუსეთი. მნიშვნელოვანია გავიხსენოთ კარასინის განცხადება. ის,რომ მოსკოვში ძალიან ნერვიულობენ თუ როგორ განვითარდება საქართველოში არჩევნები,როგორი იქნება ძალთა განლაგება. დესტაბილიზაციას იგი ახსენებს ოფიციალურ განცხადებებში და შეფასებებში.
პრემიერ–ინისტრმა პირველ რიგში უნდა იგულისხმოს უცხო ქვეყნის სპეც–სამსახურები,რომელთაც ეგრედწოდებული სამოთხის შქმნაში ნამდვილად აქვთ პასუხისმგებლობა. ამ საქმეებიდან ერთი მაინც მივიდეს ლოგიკურ დასასრულამდე და დაიდოს კონკრეტული დასკვნა და გადაწყვეტილება,“–განაცხადა ალექსი პეტრიაშვილმა.
მანანა ღოღობერიძე
