„მას თავს ვერ გავუყადრებ, ლექსიკაში აშკარად უჭირს. იყო დრო,როდესაც ფეხსაცმელებს მიწმენდდა ორფოლოს პოლიგონზე. ასე რომ მასთან კინკლაობას არ დავიწყებ“. ირაკლი ოქრუაშვილი „რუსთავი-2“-ზე, გადაცემა „კურიერის“ ეთერში კახი კალაძის რეპლიკას გამოეხმაურა, რომელიც მან გადაცემა „არჩევანი 2016“-ის ეთერში გააკეთა. „ქართული ოცნების“ გენერალურმა მდივანმა გორის მაჟორიტარობის დამოუკიდებელ კანდიდატს უინტერესო, გაკოტრებული პოლიტიკოსი უწოდა.
„როგორც ჩანს საკმაოდ მძიმე დღეები უდგას. დაწყებული „რუსთავი-2“-ის საქმიდან, დამთავრებული ამ ფაქტით. აშკარად თავის დროზე მისმა ხელმძღვანელებმა ყურები აუწიეს. გაკოტრებული ვინ არის და ვინ არ არის ამას ხალხი წყვეტს და 8 ოქტომბრის საღამოს გაირკვევა. ბებიაჩემი ამბობდა ხოლმე, ბედაურები დაიხოცნენ ვირებს დარჩა მოედანიო. ამ ფაქტის შესახებ მხოლოდ ამის თქმა შემიძლია.
მე არ მითქვამს,რომ თავდასხმის უკან დგას კახა კალაძე და მისი ცოლის ძმა. მე ვთქვი, რომ ეს ყევლაფერი კახა კალაძის მიერ ორგანიზებული გარკვეული მოქმედებების შედეგი იყო. თუმცა არ დამიკონკრეტებია, რომ ვინმე პირდაპირ იყო ამაში დამნაშავე. თავდამსხმელებმა ჩათვალეს, რომ ისინი არიან დაუსჯელები და მათ ეს ყველაფერი ეპატიებათ.
ფატქთან დაკავშირებით პოლიციაც და პროკურატურაც ადეკვატური იყო, თუმცა ამ თემაზე სუაბარს დროს არ დავუთმობ მაშინ, როდესაც არჩევნებამდე თითქმის 24 საათი გვრჩება. მიუხედავად იმისა,რომ განცხადებები არჩევნების მშვიდ ვითარებაში ჩატარებაზე კეთდება, გორში გარემო მაინც დაძაბულია. გარდა ამ ინციდენტისა, ბოლო ორი კვირის განმავლობაში გორში უცნაური ტენდენცია გამოიკვეთა. ამომრჩევლების რაოდენობა 1200 ადამიანით გაიზარდა. ეს რომ მომხდარიყო დაახლოებით 6 თვის წინ, არანაირი კითხვა არ დაისმებოდა. ბუნებრივია ეს არის ხელოვნურად გაკეთებული. დარწმუნებული ვარ ეს შემთხვევით არ მომხდარა.
მიუხედავად ამ ყველაფრისა, ჩვენ ხალხის მხარდაჭერით საკმაოდ კარგ შედეგს დავდებთ. გორელები ძალიან მარტივი არჩევანის წინაშე არიან. მათ არჩევანის გაკეთება უძრაობას, წარსულს, უყურადღებობას, უიმედობას, კორუფციასა და უკეთეს მომავალს შორის მოუწევთ. ეს ყველაფერი ნათლად არის განსახიერებული „ქართული ოცნების“ კანდიდატ ვინმე მაკრახიძეში.
თუ ეს ბრძოლა იქნება სამართლიანი, პირობას ვდებ რომ გამარჯვებულს აუცილებლად მივულოცავ. თუმცა ამის ტენდენცია ჯერჯერობით არ იკვეთება,“ – განაცხადა ირაკლი ოქრუაშვილმა.
მანანა ღოღობერიძე