“გერმანია მთელი ძალებით ეხმარება საქართველოს ევროკავშირთან თანამშრომლობის კიდევ უფრო გაღრმავების საქმეში”

გერმანიის საგარეო საქმეთა მინისტრმა ფრანკ ვალტერ შტაინმაიერმა 6 ოქტომბერს საქართველოსთვის სავიზო ლიბერალიზაციის მინიჭების პროცესთან დაკავშირებით განცხადება გააკეთა. ამის შესახებ განცხადებას გერმანიის საელჩო დღეს ავრცელებს.

„მივესალმები საქართველოსთვის უვიზო მიმოსვლის სასარგებლოდ მიღებულ გუშინდელ მნიშვნელოვან გადაწყვეტილებას. ეს ჩვენი მხრიდან დიდი წინ გადადგმული ნაბიჯია! საქართველომ ამის საფუძველი რეფორმების დაუღალავად განხორციელების შედეგად შექმნა. გერმანია მთელი ძალებით ეხმარება საქართველოს ევროკავშირთან თანამშრომლობის კიდევ უფრო გაღრმავების საქმეში,“ ნათქვამია განცხადების ტექსტში.