ალბათ ყველას გაინტერესებთ, რას ნიშნავს ,,ფეისბუკზე” გაჩენილი სურათის ჩარჩო წარწერით “I stand with girls”, საქმე კი ისაა, რომ დღეს, 11 ოქტომბერს, გოგონების საერთაშორისო დღეა. ეს დღე 2012 წლიდან აღინიშნება და მისი დაწესების ინიციატორი გაერთიანებული ერების ორგანიზაციაა.
მისი აღნიშვნა კი შემდეგნაირი განმარტების საფუძველზე გადაწყდა – ,,მსოფლიოს მასშტაბით გოგონები ყოველდღიურად აწყდებიან დისკრიმინაციასა და ძალადობას. 11 ოქტომბერი მიზნად ისახავს გენდერული თანასწორობის ხაზგასმას, მათი უფლებების აღიარებას, შესაძლებლობების გაფართოებას, გოგნებისთვის განათლების ხელმისაწვდომობას და სხვა მსგავს პრობლემებზე ფოკუსირებას.”
გოგონათა საერთაშორისო დღეს მსოფლიოში სხვადასხვა თემატური ღონისძიებით აღნიშნავენ. წელს ამ ღონისძიებებს ,,ფეისბუკიც” შეუერთდა.
ნატალია ჯალაღონია
