“ჩვენთვის პრინციპულად მნიშვნელოვანია არ დავთმოთ არც ერთი ოლქი, სადაც მოწინააღმდეგე არის “ნაციონალური მოძრაობა”. მნიშვნელოვანია საქართველოს პარლამენტში არ გაიზარდოს “ნაციონალური მოძრაობის” მანდატები. დღეს მათ ჰყავთ 27 დეპუტატი და ეს მათი მაქსიმუმია”. ამის შესახებ “ქართული ოცნება-დემოკრატიოული საქართველოს აღასრულებელმა მდივანმა ირაკლი კობახიძემ იმედის” ეთერში, გადაცემა “ღია ეთერში” ისაუბრა.
ჩვენ გვაქვს რესურსი მოვიგოთ ყველა მაჟორიტარული ოლქი, ორმოცდაათივე. უმეტეს შემთხვევაში გამარჯვება მარტივად შეგვიძლია. ჩვენი ამომრჩეველი არის გამარჯვებული ამომრჩეველი და მათ სურთ ამის გამყარება. აქ საუბარია 50 ოლქზე და საჭიროა ამომრჩევლის მობილიზაცია. ჩვენი ელექტორატი არის ბევრად უფრო მრავალრიცხოვანი და ეს გვაძლევს ამის თქმის საფუძველს.
მაჟორიტარული არჩევნებისთვის 50%-იანი ბარიერი ჩვენ შემოვიღეთ, რაც დემოკრატიის გარანტია და დეპუტატების მაღალ ლეგიტიმაციაზე მიანიშნებს. ჩვენი ამოცანა იყო ხმათა აბსოლიტური უმრავლესობის მოპოვება. მთავარი მიზანი, რომ ყოველ მეორე ამომრჩეველს ხმა “ქართული ოცნებისთვის” მიეცა, მიღწეულია. ამით შეიძლება დავზარალდით, მაგრამ ეს ფაქტი წაადგა ქართულ დემოკრატიას.
ჩვენ პროპორციული სისტემით არჩევნების შემთხევვაშიც უმრავლესობით მოვიდოდით, პარლამენტში და გვეყოლებოდა 91 დეპუტატი. არც მანამდე და არც არჩევნების შემდეგ თვითმიზანი საკონსტიტუციო უმრავლესობის მოპოვება არ ყოფილა. მთავარი იყო მყარი უმრავლესობა,ეს მიზანი მიღწეულია. უბრალოდ ცდილობენ საკონსტიტუციო უმრავლესობა წარმოაჩინონ საფრთხედ. თუმცა ეს იქნება შესაძლებლობა, რომ დავხვეწოთ არსებული კონსტიტუცია, რომელსაც დახვეწა ნამდვილად სჭირდება. ისეთი მემკვიდრეობა დაგვიტოვა მიხეილ სააკაშვილმა, ამ კონსტიტუციას თუ გააკეთილშობილებ, თორემ უარესობისკენ ვერ წაიყვან. რა თქმა უნდა ეს იქნება ტვირთი, თუმცა გვაქვს ამბიცია, რომ პასუხისმგებლობა ვიკისროთ და შესაბამისი შედეგი დავდოთ.უნდა გაძლიერდეს პარლამენტის როლი და ხელისუფლების შტოებს შორის ურთიერთობა დოკუმენტით დაბალანსდეს,”-განაცხადა ირაკლი კობახიძემ.
მანანა ღოღობერიძე
