„ამ განცხადებისგან ვინმე ტაშს და აღფრთოვანებას მოელის? მათ მოატყუეს საზოგადოება, არჩევნებამდე ეს არ თქვეს. იცოდნენ, რომ ეს არის საზოგადოების დიდი ნაწილის მიერ დაწუნებული, სუპერ არაპოპულარული გადაწყვეტილება. მორჩა არჩევნები, მორჩა კინო“. სავალდებულო სამხედრო სამსახურის აღდგენის შესახებ და ლევან იზორიას სხვა გადაწყვეტილებებზე ყოფილმა თავდაცვის მინისტრმა, რესპუბლიკური პარტიის ყოფილმა ლიდერმა თინა ხიდაშელმა „ტვ პირველზე“, გადაცემა „ინგა გრიგოლიას დღის ამბების“ ეთერში ისაუბრა.
„2016 წლის ივნისში სავალდებულო სამხედო სამსახურის გაუქმება იყო ერთობლივი გადაწყვეტილება, სამხედროებთან ერთად მრავალი წლის ნაფიქრი და ჩემს მიერ რეალიზებული. იზორიამ ახსენა ტერმინი ტოტალური თავდაცვა, ეს გულისმხობს, რომ ტოტალურად გაიზარდოს თავდაცვის ბიუჯეტი. სამწუხაროდ აქცენტი მხოლოდ გაწვევის საკითხზე გაკეთდა, თუმცა მნიშვნელოვანი განცხადება იყო ისიც, რო ლევან იზორია აპირებს ბრიგადების შემცირებასაც. დღეს ქვეყანაში მოქმედი 5 ბრიგადიდან, 4 დარჩება. ეს არის იმის დადასტურება, რომ სერიოზული საბიუჯეტო პრობლემები აქვთ. როდესაც სახელმწიფო უსაფრთხოების მიმართ ასეთი დამოკიდებულება გაქვს, სააცილოა. უფრო ეკონომიურია, არ გამოდგება მახასიათებლად არაფრის, რაც ქვეყნის თავდაცვისუნარიანობას შეეხება, ასეთი დამოკიდებულება ქვეყნის უსაფრთხოებაზე არ უნდა გვქონდეს.
იზორიას უნდა აეხსნა მოსახლეობისთვის, როგორ აპირებს მათ პრობლემებთან გამკლავებას. ადამიანები არ ამთავრებენ უნივერსიტეტს, გამოცდას იტოვებენ იმისთვის, რომ არ გაიწვიონ სავალდებულო სამხედრო სამსახურში, შემდეგ მათ უჭირთ დასაქმება. ადამიანები დაამთავრებენ უნივერსიტეტს, იწყებენ სამსახურს და რამდენიმე თვის შემდეგ მოვა კომისარი, მოკიდებს ხელს და წაიყვანს ჯარში. შესაბამისად კარგავს სამსახურს და პერსპექტივას. ასევე მნიშვნელოვანია ის კრედიტები, რომელსაც ამ სამსახურით იხდიან. 14 ლარის ნაცვლად 50 ლარი ექნებათ ანაზღაურება.აღარ აინტერესებთ სინამდვილეში რა აწუხებს მოსახლეობას. ზუსტად იგივე მოხდა გონიოში. მშობლები ამაზე საუბრობდენ, დაუდევრობაზე, უყურადღებობაზე.
გასაგებია, რომ კვირიკაშვილისთვის მისაღებია ასეთი მინისტრი, რომელიც სტანდარტული სუსის მეთოდებით ესაუბრება საზოგადოებას და მართავს შეიარაღებულ ძალებს. იზორიას ვურჩევდი კარგად გაერკვიოს, ის წვრთნები, რომელიც ნოემბერშია დაგეგმილი პრველად არ ტარდება და ნატოს არაწევრ ქვეყანაში სამხედრო წვრთნების ჩატარება, როგორც უპრეცენდენტო შემთხვევა, ჩემი მინისტრობის პერიოდში მოხდა. ის უბრალოდ მზად არ არის ამ თემებზე საუბრისთვის. მათ არაფერი გააკეთეს შავი ზღვის უსაფრთხოებაში საქართველოს ჩართვისთვის. დრო აგვისტოდან თებერვლის მინისტერიალამდე გაშვებულია.
უცნაურად მეჩვენება მთელი ის ციკლი, როგორც განვითარდა კრაწანისის მოვლენები. იქაც წვევამდელმა გაისროლა, ესეც მნიშვნელოვანი ასპექტია. არ მჯერა ვერსიის, რომელიც თავდაცვის მინისტრმა შესთავაზა საზოგადოებას შემთხვევიდან ნახევარი საათის შემდეგ. გიორგი კვირიკაშვილის განცხადება იყო ყველაზე შემაშფოთებელი, როდესაც მან თქვა, რომ მოისმინა განმარტებები მინისტრისგან და კითხვები არავინ უნდა დასვას. მე ვიცი, რომ გიორგი კვირიკაშვილი ასე არ საუბრობს, ეს კაცი არ არის. უბრალოდ ყველა სხვა ვერსია იზორიასთვის და მთავრობისთვის იყო პრობლემატური.
თინა ხიდაშელმა რესპუბლიკური პარტიის დატოვების შესახებ მცირე კომენტარი გააკეთა.
„მე ამ პარტიაში საუკეთესო თორმეტი წელი გავატარე, თუმცა ყველა ადამიანის ცხოვრებაში დგება ცვლილებების პერიოდი. არ არის პარტიიდან წასვლა ის თემა, რის გამოც პოლიტიკური სპეკულაციებით დავკავდები“.
მანანა ღოღობერიძე
