ჰილარი კლინტონი მხარდამჭერებს სიტყვით არ მიმართავს. როგორც პრეზიდენტობის კანდიდატის საარჩევნო შტაბის ხელმძღვანელმა ჯონ პოდესტამ განაცხადა, წინასწარი დასკვნების გაკეთება მიზანშეწონილი არ არის, რადგან ოფიციალური შედეგები ჯერ არ გამოქვეყნებულა.
ამერიკული პრესის ცნობით, შტაბთან ამჟამად ჰილარი კლინტონის ათასობით მხარდამჭერი იმყოფება. ბევრი მათგანი ემოციებს ვერ მალავს.
ამასთან, ცნობილი ხდება, რომ პრეზიდენტობის კანდიდატი დონალდ ტრამპი საარჩევნო შტაბში მივიდა. ტელეკომპანია CNN-ის ცნობით, უახლოეს ხანში ის მხარდამჭერებს სიტყვით მიმართავს.
Discussion about this post