კვირას, 13 ნოემბერს, 17:00 საათზე ქ. თბილისში, ასი ათასი მოწამის ხსენების დღეს, სრულიად საქართველოს კათოლიკოს-პატრიარქი ილია II გადაიხდის საზეიმო პარაკლისს ასი ათასი მოწამის სახელობის მეტეხის ხიდზე.
როგორც “თბილისი თაიმსს” ორგანიზატორებმა აცნობეს, 16:00 საათზე ახალგაზრდული მოძრაობა „დავითიანნი“-ს ორგანიზებით გაიმართება შემოქმედებითი კონცერტი, რომელშიც მონაწილეობას მიიღებენ ხალხური ანსამბლები და ფოლკლორული გუნდები.
მათივე ცნობით, კონცერტის შემდეგ ხიდზე შეკრებილი საზოგადოების წინაშე თეატრალური დადგმით „ასი ათასი წამებულის დღე“ წარსდგება შემოქმედებითი გაერთიანება „ეროვნული იმპერატივი“ და საქართველოს „ხრიდოლის აკადემია“.
შეგახსენებთ, რომ ყოველი წლის 13 ნოემბერს მართლმადიდებლური სამყარო აღნიშნავს 100000 მოწამის ხსენების დღეს. საუკუნეების წინ ასი ათასი ქართველი სწორედ ამ დღეს შეეწირა წმინდა ხატების თაყვანისცემასა და სარწმუნოების დაცვას. ტრადიციულად ყოველ წელს საქართველოს ყველა კუთხიდან იკრიბება მრევლი მეტეხის ხიდზე და ერთობლივი ლოცვით მიაგებს პატივს ჩვენს გმირ, წმინდან წინაპრებს.
