„პროცესში ხელოვნურად ჩარევა არ მოგვცემს კარგ შედეგს. დედოლარიზაციის კარგი მაგალითი არის ისრაელი, სადაც პრობლემაში ხელოვნურად არავინ ჩაერია, ქვეყანამ განავითარა ეკონომიკა. შეზღუდვების გზით სიარული არ მგონია იყოს განსაკუთრებული შედეგის მომტანი. მნიშვნელოვანია ბიუჯეტის ოპტიმიზაცია, თუმცა ხარჯების შემცირება რამდენად გამოუვათ არ ვიცი“. ეროვნული ვალუტის გაუფასურების მიზეზებზე და პრობლემის მოგვარების გზებზე არასამთავრობო ორგანიზაციის „საზოგადოება და ბანკები“ დირექტორმა გიორგი კეპულაძემ „ტვ პირველზე“, გადაცემა „ვახო სანაიას დღის ამბების“ ეთერში ისაუბრა.
„დოლარიზაცია არის დეპოზიტებში და სესხებში უცხოური ვალუტის მაჩვენებელი, რამდენს ზოგავს დამიანი უცხოურ ვალუტაში და რამდენს ლარში. დეპოზიტების დაახლოებით 70 % არის უცხოურ ვალუტაში და 99% ამერიკულ დოლარში. სესხების 65 % ასევე გაიცემა უცხოურ ვალუტაში. დოლარიზაციის მაჩვენებლი რამდენიმე წლის წინ უფრო მაღალი იყო, 80 %-საც კი სცდებოდა. ხალხს აქვს მეტი ნდობა ამერიკული დოლარის მიმართ, ამას ჩვენი ისტორიაც განაპირობებს, მათ შორის კუპონიზაციის გამოცდილება.ძალიან მცირე პერიოდია ლარის ისტორიაში, რომ ის ყოფილიყო სტაბილურად მყარი. შესაბამისად ლარისადმი ნდობა გაიზრდება მაშინ,როდესაც გვექნება სტაბილური, მიზნობრივი ინფლაცია. შესაბამისად ბიზნესსაც ექნება ნდობა ეროვნული ბანკის მიმართ. ლარის, როგორც დაგროვების ვალუტის მიმართ დიდი ნდობა არ არის.
სადავოა ეროვნულმა ბანკმა სარეზერვო ფონდების შექმნით რამდენდ სწორად გამოიცნო იმ მომენტში რა უნდა გაეკეთებინა. სამომხმარებლო სესხების ლარში გაცემა მაინც არ მოიტანს დიდ შედეგს. ლარში აღებულ თანხას ადამიანები მაინც დააკონვერტირებენ, შეიძენენ უცხოურ პროდუქციას და წაახალისებენ იმპორტს. საინტერესოა რა სახის იქნება ათ პუნქტიანი გეგმა.თუ გარკვეული რეგულაციების ხსენება არ უნდათ, ამის გაკეთება მიანც მოუწევთ. ამ მთავრობამ პირველი რამდენიმე წელი კოჰაბიტაციაში, სავიზო რეგულაციების შემოღებაში გაატარა, ეს დაკარგული დრო მწარე გაკვეთილი აღმოჩნდა. დაიკარგა მნიშველოვანი სიანვესტიციო პროექტები. საქართველო უნდა გამოსულიყო თავისი ეკონომიკური ინიტერესებიდან. ქვეყნის მოსახლეობის ნახევარი თვითდასაქმებულია და ქმნის მთლიანი შიდა პროდუქტის 10 %-ს, დანარჩენი ნახევარი ქმნის 90%-ს. ეს არის ძალიან დაბალი პროდუქტიულობა და უნდა დაბალანსდეს,“-განაცხაა გიორგი კეპულაძემ.
მანანა ღოღობერიძე