საპარლამენტო უმრავლესობაში დღეს ორი ფრაქცია შეიქმნება.
ცნობილი ხდება, რომ ერთ-ერთ ფრაქციას ხაშურის მაჟორიტარი დეპუტატი სიმონ ნოზაძე უხელმძღვანელებს.
სიმონ ნოზაძე პარლამენტში ერთადერთი დეპუტატია, რომელიც პარტია „მრეწველების“ წარმომადგენელია.
საპარლამენტო კულუარებში სიმონ ნოზაძის ფრაქციის თავმჯდომარეობას იმით ხსნიან, რომ საპარლამენტო უმრავლესობას ცესკო-ში დამატებითი წარმომადგენლები ეყოლება.
ნოზაძე აცხადებს, რომ მან ეს შეთავაზება საპარლამენტო უმრავლესობისგან მიიღო, თუმცა მისივე თქმით, ფრაქციის შექმნის მთავარი მიზანი ცესკო-ში წევრების რაოდენობის გაზრდა არ არის.
როგორც ცნობილია „ფრაქცია ქართული ოცნების“ თავმჯდომარედ დღეს მამუკა მდინარაძეს წარადგენენ.
