„ირაკლი კობახიძის კანდიდატურა არის გარკვეული მესიჯი. ეს იყო ადამიანი, რომელიც გამოირჩეოდა განსაკუთრებული აგრესიულობით, არაკონსტრუქციულობით, ძალადობის გამართლებით. წინასაარჩევნო პერიოდში უტიფრად ამართლებდა ყველაფერს“. მეცხრე მოწვევის პარლამენტში პრეზიდენტის განცხადების და პირველი სხდომის დეტალების შესახებ პარლამენტის ფრაქცია „ნაციონალური მოძრაობა საქართველოს წინსვლისთვის“ თავმჯდომარემ ელენე ხოშტარიამ „რუსთავი 2“–ზე, გადაცემა „შაბათის კურიერის“ ეთერში ისაუბრა.
„ასეთი ადამიანის დანიშვნა პარლამენტის თავმჯდომარედ არის გზავნილი , რომ ხელისუფლებამ არა თუ გაიაზრა ის მინუსები, რაც იყო წინასაარჩევნ პერიოდში, არამედ ისევ ამ გზით აპირებს წასვლას. მათი მხრიდან პრობლემების გააზრების არანაირი მზაობა არ არსებობს. სხდომაზე დისკუსია ისევ ბრალდებების და დადანაშაულების რეჟიმში გადავიდა. ცხრა წელს გავცდით და 25 წლის წინანდელ მოვლენებზეც საუბრობდნენ. მნიშვნელოვანია ასევე დამოკიდებულება, რომელიც აქვთ პრეზიდენტის ინსტიტუტის მიმართ. მთელი სახელმწიფო მანქანა ებრძოდა ამ ინსტიტუტს მას შემდეგ, რაც ბიძინა ივანიშვილმა თქვა, რომ მას აღარ მოსწონს პრეზიდენტი. ჰგონიათ, რომ მათი როლია ყველას უკარნახონ როგორ მოიქცნენ, მათ შორის არასამთავრობო ორგანიზაციებს, ოპოზიციას, მედიას. ჩვენთან თანამშრომლობა არ არის მნიშვნელოვანი, მათი მხრიდან მთავარ ამოცანებზე კონცენტრირების მზაობაც არ არის.
პრეზიდენტის გამოსვლას დადებითად შევაფასებდი, მან სწორი აქცენტები გააკეთა, ისაუბრა საკონსტიტუციო უმრავლესობის საფრთხეებზე, მედისა და ადამიანის უფლებების პრობლემებზე. დღევანდელ პირობებში მედია პრობლემებზე საუბარი ცხადია არის მინიშნება „რუსთავი 2“–ის საფრთხეზეც. პრეზიდენტი არ მოერიდა კონკრეტული პრობლემების წინ წამოწევას და გარდა ამისა ჰქონდა საკმაოდ კარგი ინიციატივები. სამწუხაროდ არანაირი საფუძველი იმისა, რომ ამ ინიციატივებს ხორცი შეესხმება და გასცდება მოწოდებებს, არ არსებობს. ეს პრობლემები ან წარმოიქმნა და ან გაღრმავდა ამ ხელისუფლების პირობებში. დღეს, როდესაც მათ აქვთ კონსტიტუციური უმრავლესობა, გაუგებარი და წარმოუდგენელია რატომ მოინდომებენ ამ პრობლემების აღმოფხვრას. მათი კონტროლის ბერკეტი კი რეალურადარ არსებობს,“–განაცხადა ელენე ხოშტარიამ.
მანანა ღოღობერიძე
Discussion about this post