ევროპარლამენტმა მხარი დაუჭირა თურქეთთან ევროკავშირში გაწევრიანეის შესახებ მოლაპარაკებების შეჩერებას. ევროპარლამენტის მიერ მიღებული რეზოლუცია იურიდიულად სავალდებულო არ არის, თუმცა საკანონმდბელო ორგანოს პოზიციას გამოხატავს და რეკომენდაციული ხასიათისაა.
დოკუმენტს 479-მა დეპუტატმა დაუჭირა მხარი, წინააღმდეგი 37 იყო, 107-მა კი თავი შეიკავა.
როგორც 23 ნოემბერს თურქეთის პრეზიდენტმა რეჯეპ ტაიპ ერდოღანმა განაცხადა, ევროპარლამენტში თურქეთის ევროკავშირში გაწევრიანების შესახებ მოლაპრაკებების შეწყვეტის შესახებ კენჭისყრის შედეგებს ანკარასთვის არანაირი მნიშვნელობა არ აქვს.
გასულ კვირას ევროკავშირის საგარეო პოლიტიკისა და უსაფრთხოების საკითხებში უმაღლესმა კომისარმა ფედერიკა მოგერინიმ თურქეთში სამხედრო გადატრიალების მცდელობის შემდეგ განვითარებული მოვლენების გამო შეშფოთება გამოთქვა. კერძოდ, ევროკავშირი შეშფოთებულია თურქეთში სიკვდილით დასჯის შესაძლო აღდგენის გამო.
