„ქვეყანას სჭირდება შემტევი ფეხბურთი, ჩვენი მწვრთნელი, გიორგი კვირიკაშვილი კი დაცვით ფეხბურთს თამაშობს. მწვრთნელს, რომელსაც დღევანდელ სიტუაციაში დაცვითი ტაქტიკა აქვს, არც გუნდი ყავს სწორად შერჩეული, ჰყავს ისეთი ნაკრები, რომელიც ამას გააკეთებს. შედეგი იქნება ნული, ისეთივე, როგორიც აქვს საქართველოს ფეხბურთის ნაკრებს“. სამთავრობო გუნდის ახალი სემადგენლობის ეფექტიანობაზე და ეროვნული ვალუტის გაუფასურების მიზეზებზე ეკონომიკის ექსპერტმა პაატა შეშელაძემ ტელეკომპანია „იმედზე“, გადაცემა „ღია ეთერში“ ისაუბრა.
„ახალი ფინანსთა მინისტრი ამბობს, რომ ჩვენი ამოცანა არ არის ვზდიოთ ლარის კურსს, ჩვენი ამოცანაა აზროვნება შევცვალოთ. ლაპარაკია ლარიზაციაზე, ერთადერთი გზაა მიაბან კურსი დოლარს და აღარ იყოს მოთხოვნა უცხოურ ვალუტაზე. დაანონსებულია საპენსიო რეფორმა,რომელიც გულისმხობს დაგროვებითი ელემენტის შემოტანას, თუ ის ისე გაკეთდა, როგორც დაანონსებულია, აუცილებლად გულისხმობს საკონსტიტუციო ცვლილებებს.ჩნდება ინსტიტუტი, რომელიც იქნება სახელმწიფო ფონდი და არანაირი პერსპექტივა იმისა, რომ ორმოცი წლის მერე ვინმეს რამე გადაუხადოს, არ ექნება. ამ უმრავლესობას მხარს უჭერს მოსახლეობის 20 %. მათ არ უნდა მისცენ თავს უფლება კონსტიტუცია ჭრან და კერონ ისე, როგორც მოესურვებათ. მათ ასეთი მანდატი არ აქვთ.
ლარი არ არის წვიმა, რომ ადამიანური ფაქტორისგან დამოუკიდებელი იყოს. ეს პრობლემა თავიდან ბოლომდე პოლიტიკით არის შექმნილი. ის არის ეროვნული ბანკის და მთავრობის შეცდომების შედეგი. ეროვნული ბანკის მხრიდან პრობლემაა, რომ მუდმივად არის მეტი მიწოდება, ვიდრე მოთხოვნა, ანუ პოლიტიკა არის ხარვეზიანი. მთავრობის პრობლემაა მუდმივი დეფიციტი, დიდი რაოდენობით შიდა ვალის აღება. ისინი ღია ბაზარზე სესხულობენ ფულს და არც აღიარებენ ამ ხარვეზს, თვლიან რომ ასე უნდა იყოს. ეროვნული ბანკის მხრიდან სესხების გაცემა უნდა შეწყდეს, მთავრობამ უარი უნდა თქვა სუბსიდიებზე, მაგალითად მანდარინის დაფინანსებაზე. რეალური ნაბიჯები უნდა გადადგან სამთავრობო ხარჯების შემცირებაზე.
ის სწრაფი ეკონომიკური ზრდა მოსალოდნელი არ არის. ჩვენი ეკონომიკური ზრდა იქნება 3 %, მომდევნო წელს ოპტიმისტურად 5 % ჩაწერეს, თუ გვინდა რომ მაგალითად ბულგარეთს ოდნავ მაინც დავეწიოთ, მინიმუმ 10 %–იანი, ორნიშნა ზრდა უნდა გვქონდეს. დანარჩენი ნებისმიერი პროცენტი იქნება წყლის ნაყვა,“–განაცხადა პაატა შეშელაძემ.
მანანა ღოღობერიძე