„ „ნაციონალური მოძრაობა“ სუსტი ოპონენტია. არ შეიძლება ოპონენტად განიხილო პოლიტიკური ჯგuფი, რომელიც ჩაკეტილია, შეზღუდულია პოლიტიკურ პარტიაში მიმდინარე პროცესებით. ეს რეალობა არ გვაძლევს არანაირ პერსპექტივას, ვისაუბროთ ოპონირების ხარისხზე. ჩვენი ურთიერთობის “ყაყანში” გადაყვანა უნდათ“. „ნაციონალურ მოძრაობაში“ მიმდინარე პოლიტიკურ პროცესებზე, საპარლამენტო საქმიანობაზე და დაგეგმილ ცვლილებებზე პარლამენტის ვიცე–სპიკერმა გია ვოლსკიმ ტელეკომპანია „GDS“–ზე, გადაცემა „2030“–ის ეთერში ისაუბრა.
„დღეს პარლამენტში შემოსულ „ნაციონალური მოძრაობის“ წევრთა დიდი უმრავლესობა შებოჭილია პასუხისმგებლობით ამომრჩევლის წინაშე, რომ ისინი გაცილებით მეტ პრობლემას შეუქმნიან ხელისუფლებას. როგორც თავად ამბობენ საქმიანობას ჯოჯოხეთის მოწყობას უკავშირებენ. არანაირი თანამშრომლობის ნიშანი არ იგრძნობა, თანამშრომლობა შორს არის იმ რეალობიდან, რაც დღეს გვაქვს. დაპირისპირების ხარისხი, რომელიც პარლამენტშია, მთლიანად არის ორიენტირებუი მეორე ჯგუფის დაძლევაზე, რომელთაც უნდათ დაუმტკიცონ რომ მათი პოლიტიკური საქმიანობა რადიკალიზმის თვალსაზრისით არაფრით არის ნაკლები.
მათი ნაწილი ფიქრობს, რომ საქმიანობა პარლამენტის ტრინუბიდან უფრო ეფექტიანი იქნება, ნაწილი კი ფიქრობს, რომ მიხეილ სააკაშვილის მოწოდებები ამ ჯოჯოხეთის შესახებ კვლავ დღის წესრიგში უნდა იყოს და ბრძოლა საპარლამენტო ტრიბუნიდან ქუჩაში უნდა გადაიტანონ. საზოგადოებამ უნდა გააკეთოს დასკვნა, ან უნდა წაყვნენ იმ პერსპექტივას, რომელსაც სააკაშვილი თავაზობს, ან უნდა გადავიდნენ მეორე ჯგუფის მხარეს, რომლებიც პოლიტიკური საქმიანობისთვის საუკეთესო ადგილად პარლამენტს მიიჩნევენ. ვფიქრობ უახლეოს პერიოდში დაპირისპირება მეტად მწვავე ხასიათს მიიღებს. ყრილობა როგორი იქნება ამას მომავალში ვნახავთ, თუმცა ვფიქრობ პარტიაში სერიოზული ბზარი გაჩნდება.
საერთაშორისო მდგომარეობა არ გვაძლევს იმის საფუძველს, რომ შექმნილი ვითარებიდან საგანგებო ზომების მიღების გარეშე გამოვიდეთ. არც ერთი ჩვენი მეზობელი და არც ერთი პარტნიორი ქვეყანა არ დარჩა ხელშეუხებელი. საჭიროა ისეთი ღონისძიებების დაგეგმვა, რომ ქვეყანა შევინარჩუნოთ და საზოგადოებამ რაც შეიძლება ნაკლები დანაკარგები მიიღოს. გათვლა ემყარება წარსულ პრაქტიკას. გვახსოვს, რომ საწვავზე ფასი ორ ლარზე მეტი იყო, თუმცა ჩვენს ეკონომიკურ მდგომარეობას ეს მნიშველოვნად არ დატყობია. თამბაქოს ნაწარმზე და საწვავზე აქციზის ზრდა რეალობაში მომხმარებლოს ინტერესებს თუ შეეხება, რაც შეიძლება ნაკლები დანაკარგი უნდა მიიღოს საზოგადოებრივი ტრანსპორტით მსარგებელმა მოსახლეობამ. ფასების ზრდა 4–5 %–ით გათვლილია, თუმცა ხორბლის ნაწარმზე ასეთი ზრდა არ არის ნავარაუდევი. მსოფლიო ბაზარზე ეს პროდუქტი ფასების კლებით ხასიათდება.
ონლაინ–სესხების გამცემი კომპანიები აუცილებლად უნდა დაექვემდებარონ რეგულაციებს, რათა ჩვენი საზოგადოება გართულებებისგან მაქსიმალურად დავიცვათ,“–განაცხადა გია ვოლსკიმ.
მანანა ღოღობერიძე
