„დაზუსტებით ვიცი, რომ რამდენიმე დღეში ის ჯგუფი, რომელიც დღეს არის პარტიის მმართველობაში, დატოვებს ნაციონალურ მოძრაობას და არა იმიტომ, რომ მათ ეს უნდოდათ. ეძებენ ხელსაყრელ მომენტს, რომ კარის მოჯახუნების პრინციპით დატოვონ პარტიის რიგები“. პარტიაში მიმდინარე პროცესებზე ფრაქცია „ნაციონალური მოძრაობის“ თავმჯდომარემ ნიკა მელიამ ტელეკომპანია „იმედზე“, გადაცემა „ქრონიკის“ ეთერში ისაუბრა.
თუ ისინი წარმატებას მიაღწევენ მხოლოდ გამიხარდება. უდიდესი შეცდომაა, რომ მათ ეს გადაწყვეტილება მიიღეს. დარწმუნებული ვარ, რომ ისინი იქნებიან ბიძინა ივანიშვილთან დაპირისპირებული გუნდი, მაგრამ მე ვერ ვხედავ მოტივაციას, ძალისხმევას, ენთუზიაზმს.
ფრაქციის სხდომა ჩემთვის უცნაურად ჩაინიშნა და წერილობით მეცნობა. დილის ოთხ საათზე დაიდო ოფიციალური განცხადება რომ სხდომა არ ჩატარდებოდა. ვერ გეტყვით რატომ გადაიფიქრეს, ვინ უკარნახა, რომ ეს არ არის ჯანსაღი პროცესი. ვიღაც მიხვდა რომ ეს არის აბსოლიტურად წარმოუდგენელი რამ. ასევე წარმოუდგენელი იყო პარტიიდან იმ ადამიანების გათავისუფლება, რომლებიც გიგა ბოკერიას არ უჭერდნენ მხარს. ასევე საპარლამენტო სიიდან ამოიღეს „ნაციონალური მოძრაობის“ წევრები, მათ შორის ნინო კალანდაძე. ხულოში განვითარებული მოვლენები ნათლად წარმოადგენს თუ რა მდგომარეობაა „ნაციონალურ მოძრაობაში“. „ნაციონალურ მოძრაობაში“ მიმდინარე პროცესი რაც უფრო მეტად იქნება საჯარო, მეტი სიცხადე შევა, არ შეიძლება კარჩაკეტილობა.
გიგი უგულავამ თქვა, რომ გზა გამიკვალა პოლიტიკაში. მე პოლოტიკაში მოვხვდი 2013 წელს, როდესაც „ნაციონალური მოძრაობა“ ოპოზიციაში იყო და იმ დღიდან კარდაკარ დავდივარ. მაქსიმალურად ვცდილობ, რომ „ნაციონალური მოძრაობა“ იყოს ძლიერი, რომ დავამარცხოთ ბიძინა ივანიშვილის რეჟიმი. გზა გამიკვალა, მაგრამ ეს არ ყოფილა გზა მთავრობაში და ხელისუფლებაში,“–განაცხადა ნიკა მელიამ.
მანანა ღოღობერიძე
