სირიაზე სამხედრო ჩარევის განხორციელების გამო საერთაშორისო საზოგადოების ყურადღება აშშ-საკენაა მიპყრობილი.
მომდევნო კვირაში გასამართ შეხვედრებამდე პრეზიდენტი ობამა და მისი ჯგუფი ლობისტურ სამუშაოებს აწარმოებენ. ამერიკის პრეზიდენტი ბარაკ ობამა ეროვნული უსაფრთხოების ჯგუფს და დემოკრატ სენატორებს შეხვდა.
შეხვედრას სირიაზე სამხედრო ჩარევის მოწინააღმდეგე 172 პიროვნება ესწრებოდა. 70 წუთიან შეკრებაზე პოლიტიკოსებმა სირიაში გამოყენებულ ქიმიურ იარაღთან დაკავშირებით ისაუბრეს.
აშშ-ის სახელმწიფო მდივანმა ჯონ კერიმ, პროცესი მიუნხენის ხელშეკრულებას მიამსგავსა და დემოკრატებს ასადის რეჟიმის დასჯისათვის მხარდაჭერა სთხოვა. დემოკრატებმა კი ერაყისა და ავღანეთის ომის გამოცდილებებზე ისაუბრეს და ყურადღება ამირეკის დანაკარგებზე გაამახვილეს.
თავდაცვის მდივანმა ჩაკ ჰეგელმა შეხვედრაზე, რომელსაც ეროვნული უსაფრთხოების საკითხებში მრჩეველი სუზან რაისი და გაერთიანებული შტაბის ხელმძღვანელი მარტინ დემსი ესწრებოდნენ, პოლიტიკოსებს სამხედრო ოპერაციის დეტალები გააცნო.
ობამას ხელისუფლება ლობისტურ საქმიანობას მთელი კვირის განმავლობაში გააგრძელებს.
04.09.13
