„ეს პოლიტიკური შოუ და ისტერიკა მაფიქრებინებს, რომ ოპონენტებს უფრო პოლიტიკური მიზნები აქვთ. სურთ შექმნან ილუზია რომ ხელისუფლება მზად არის საკუთარი მოქალაქე რუსეთს გადასცეს“. ამის შესახებ პარლამენტის თავდაცვისა უშიშროების კომიტეტის თავმჯდომარემ, ირაკლი სესიაშვილმა ტელეკომპანია „იმედზე“, გადაცემა „ქრონიკის“ეთერში ისაუბრა.
„სახელმწიფოსთვის თითოეული მოქალაქე ექვემდებარება განსაკუთრებულ დაცვას. მით უმეტეს, როდესაც მასზე მოთხოვნა არის რუსეთის ფედერაციისგან, ჩვენი ოკუპანტისგან. რეალურად ამ ადამიანის ბედით და მისი გათავისუფლებით დაკავებულია სახელმწიფო.
ურთიერთდახმარების შესახებ ევროპული კონვენციის 21–ე მუხლის მიხედვით, ძებნის ინიციატორმა სახელმწიფომ, შუამდგოლობით უნდა მიმართოს იმ ქვეყნის კომპეტენტურ ორგანოს, რომლის მოქალაქეც არის ძებნილი და მოითხოვოს საქმის განხილვა. ძებნა გამოცხადებული იყო, ინტერპოლმა მიმართა საქართველოს მხარეს, იმის დასადგენად არსებობდა თუ არა ესა თუ ის პიროვნება, მათ მეტი ინფორმაცია არ მოუთხოვიათ.
ის,რომ საქართველოს მხარე ინფორმაციას აწვდიდა რუსეთს, სიცრუეა. ჩვენ ინფორმაციას ვცვლით ინტერპოლის სამდივნოსთან და არა რომელიმე სახელმწიფოსთან. ჩემს თავდებში ჩადგომაზე მეტი არის ის, რასაც სახელმწიფო აკეთებს გია ცერცვაძის დასაცავად. პოპულისტური განცხადებები და პიარ–კამპანია არ არის ჩემი საქმე. ჩემი საქმეა გავიზიარო პასუხსიმგებლობა. კომუნიკაცია უკრაინულ მხარესთან ფორმალურ და არაფორმალურ დონეზე უკვე შედგა,“–განაცხადა სესიაშვილმა.
მანანა ღოღობერიძე
