„თუ ის გათავისუფლდა, ეს იქნება პოლიტიკური შეთანხმება ბიძინა ივანიშვილთან. ისეთი პოლიტიკური დამნაშავის მიმართ,როგორიც არის ვანო მერაბიშვილი, უნდა ჩატარებულიყო სწორი და ეფექტური გამოძიება. დღეს ბიძინა ივანიშვილი არის კანონი“. ამის შესახებ ადვოკატთა ასოხიაციის პრეზიდენტმა, ზაზა ხატიაშვილმა, ტელეკომპანია „იბერიაზე“, გადაცემა „პრიორიტეტის ეთერში ისუაბრა.
„ის არის 26 მაისის შემოქმედი და სამართლებრივი სასამართლოს პირობებში გაუჭირდებოდა იმ შედეგის მიღწევა, რასაც მიაღწია. მას იცავდა ძალიან ძლიერი ადვოკატი, კახიძე, რომელმაც ისარგებლა საქართველოს სასამართლოს უვიცობით და ევროპის სასამართლოში მოიგო უმძიმესი საქმე და ქართული მხარე დაადანაშაულა, რომ მერაბიშვილი პოლიტიკური მიზნებისთვის იყო დაპატიმრებული.
ვანო მერაბიშვილი იყო სააკაშვილის რეჟიმის საყრდენი, რომლის გარეშეც გირგვლიანის, რობაქიძის, გამცემლიძის საქმე არ მოხდებოდა.
ვანო მერაბიშვილის, როგორც სააკაშვილის რეჟიმის ერთ–ერთი საყრდენისთვის, ასევე მოსამართლეებისთვის, რომლებიც ემსახურებოდნენ სააკაშვილის ხელისუფლებას, უნდა ჩატარებულიყო ნიურნბერგის პროცესი. ივანიშვილის ხელისუფლებამ ის გააკეთა, რომ ვინც უთხრა თქვენი ერთგული ვარო, მათ გაურიგდა და დანარჩენები დაიჭირა. ამას ევროპული სასამართლო და ცივილიზებული სამყარო მას არ აპატიებდა,“–განაცხადა ხატიაშვილმა.
მანანა ღოღობერიძე
