„ამ კანდიდატებს შორის ჩემი აზრით, ყველაზე საშინელება იყო, ევა გოცირიძე. მე წარვადგინე რამდენიმე მტკიცებულება, რომელიც ადასტურებდა, რომ ევა გოცირიძეს არ ჰქონდა მაღალი ზნეობრივი და მორალური რეპუტაცია.ანა დოლიძე რომ ყოფილიყო წარდგენილი, ეს სამეული არ დაიბლოკებოდა“.ამის შესახებ ადვოკატთა ასოციაციის თავმჯდომარემ, ზაზა ხატიაშვილმა, „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„მნიშვნელოვანია, რომ საქართველოს ხელისუფლების სირცხვილი კარგად იყოს გაშუქებული და აღქმული სამოქალაქო საზოგადოების მხრიდან, როგორც ერთ–ერთი ყველაზე სამარცხვინო ლაქა. ევროპის ადამიანის უფლებათა სასამართლოს არსებობიდან, ეს არის მეორე შემთხვევა აზერბაიჯანის შემდეგ, როდესაც სასამართლომ სამივე კანდიდატი ჩააგდო. ევროსაბჭომ სამივე კანდიდატი დაიწუნა და საქართველოს ხელისუფლებას ურჩია, რომ მოხდეს ახალი კანდიდატების წარდგენა.
შერჩევის პროცედურის დაწყებიდან, პირველივე დღესვე ვაპროტესტებდი, რომ არ შეიძლებოდა მთავრობის მიერ დაკომპლექტებული ყოფილიყო უმრავლესობა. არსებობის ისტორიაში, ეს არის მეორე შემთხევვა, როდესაც სამივე კანდიდატი დაიბლოკა. ამ სირცხვილიდან საქართველოს ხელისუფლება თავს ვერასოდეს დაიძვრენს. ევა გოცირიძე გამოვიდა ბოლო ადგილზე იმ ხუთეულში, რომელიც უნდა წარდგენილიყო ევროპის სბჭოს ასამბლეის წინაშე. ამის შესახებ წერილი პრემიერ–მინისტრსაც მივწერე. კვირიკაშვილი გავაფრთხილე, რომ სია აუცილებლად ჩავარდებოდა.
ასევე დიდი შეუსაბამობა იყო სანდრო ბარამიძესთან. ვითხოვდი მის აცილებას, თუმცა კომისიამ არ დააკმაყოფილა ჩემი მოთხოვნა. ვაფრთხილებდი ხელისუფლოებას, რომ თუ სანდრო ბარამიძე იქნებოდა წარდგენილი, საქართველო შავ დღეში ჩავარდებოდა, იმიტომ ,რომ იუსტიციის მინისტრი არის კომისიის თვამჯდომარე. ის უნდა გადამდგარიყო პირველი მოადგილის თანამდებობიდან და ისე წარდგენილიყო კომისიის წინაშე. ჩემს ამ წინადადებას მხარი დაუჭირა მხოლოდ ანა ნაცვლიშვილმა,“–განაცხადა ზაზა ხატიაშვილმა.
მანანა ღოღობერიძე
