„როდესაც პოლიტიკურ დღის წესრიგს რუსეთი განსაზღვრავს, შეუძლებელია, რომ ძლიერის პოზიციიდან ელაპარაკო. რეალური საფრთხე არის დეინსტიტუციონალიზებული სახელმწიფო მმართველობა. ჩვენ ავირჩიეთ მიზანმიმართული, დეკლარირებული „დათბობის“ პოლიტიკა რუსეთთან. ამის გამო გავქრით საერთაშორისო დღის წესრიგიდან“. ამის შესახებსაქართველოს ატლანტიკური საბჭოს ვიცე–პრეზიდენტმა, ბათუ ქუთელიამ, „რუსთავი 2“–ზე, გადაცემა „არჩევანის“ეთერში ისაუბრა.
„აქ ორი კომპონენტია,ემოციური და პოლიტიკური. ყველას აქვს განცდა, რომ ნელ–ნელა რუსული გავლენის ქვეშ შევდივართ. ეს არის სიმპტომები იმ მთავარი, ფუნდამენტური პოლიტიკისა, რომელიც „ქართული ოცნების“ ხელისუფლებამ 2012 წელს დაამკვიდრა. ე.წ დოქტრინა, საგარეო პოლიტიკური ხედვის, რომ ჩვენ გავმქრალიყავით იდეოლოგიური და ფასეულობრივი სამყაროდან. ჩვენ არ გავაკეთეთ არჩევანი ცივილიზებული სამყაროს სასარგებლოდ და არ გამოვიწვიეთ დაპირისპირება.
მიზანმიმართულად ხდება ძლიერი სახელმწიფოსთვის აუცილებელი ინსტიტუტების შესუსტება. მათ შორის სახელმწიფო ინსტიტუტების დისკრედიტაცია,ხდება საერთო ეროვნული კონსენსუსის ეროზია,რომ ჩვენი ადგილი არის ევროპაში. მესამე მნიშვნელოვანი კომპონენტია ინფრასტრუქტურულად რუსეთის მოძლიერება, იქნება ეს ენერგეტიკა, კომუნიკაციები თუ სიანფორმაციო საშუალებები. ყველა ეს კომპონენტი რუსეთს ხელ–ფეხს უხსნის, საჭიროების შემთხვევაში იმ სცენარით წაიყვანოს მოვლენები, როგორც მას აწყობს,“–განაცხადა ბათუ ქუთელიამ.
მანანა ღოღობერიძე
