ერთი წელია, რაც ჩვენს ქვეყანაში დაარსდა „აგროჰაბი“, ჰიპერმარკეტი, სადაც ქართველ მომხმარებელს შეუძლია ადგილზე შეიძინოს ნატურალური, შესაბამისი ნორმებითა და სტანდარტებით დაცული პროდუქცია. „აგროჰაბი“ რამდენიმე თვის წინ გაიხსა, მარშალ გელოვანის N22-ში. ჰიპერმარკეტში მდებარეობს რამდენიმე საწარმო, სადაც ხდება პროდუქციის წარმოება. „აგროჰაბის“ გახსნისთვის 15 მილიონი ლარის ინვესტიცია განხორციელდა. „თბილისი თაიმსი“ ესაუბრა „აგროჰაბის“ დირექტორ გიორგი ჯაშიაშვილს, იმასთან დაკავშირებით, თუ რისი ყიდვა შეუძლია ადგილზე მისულ მომხმარებელს.
„ჩვენ აქცენტს ვაკეთებთ ქართულ, ნატურალურ, ახალ და ჯანსაღ პროდუქტზე. ხოლო თუ იმპორტი არის, იმიტომ, რომ ის რაც არ არის საქართველოში, არ მზადდება ქართველი მეწარმეების მიერ, ჩვენ შემოგვაქვს სხვადასხვა ქვეყნიდან. მაგალითად ისეთი პროდუქცია, რომელიც კონკრეტულ სეზონზე ჩვენთნ არ მოდის, ამ დროს ხდება საქონლის იმპორტირება. ყველა პროდუქტი, რომელიც ჩვენთან გაიყიდება, იქნება ნატურალური. კომპანიას საკუთარი ფერმები აქვს სადაც ფრინველი და საქონელი ნატურალური საკვებით ყოველგვარი დანამატების გარეშე იზრდება. მარკეტი ხორცპროდუქტებით სწორედ ამ ფერმებიდან მომარაგდება“
„აგროჰაბი“ საკუთარ მომხმარებელს შესთავაზებს საკუთრ საწარმოში შექმნილ სხვადასხვა სახის პროდუქტს: მურაბებს, პურ-ფუნთუშეულს, ცივ და ცხელ სამზარეულოს და ზღვის პროდუქტების მრავალფეროვან ასორტიმენტს, ხილ-ბოსტნეულს.
„ჩვენთან იყიდება ყველანაირი სახეობის ხილ-ბოსტანი, როგორც ადგილობრივი, ასევე იმპორტირებული. იყიდება ასევე ადგულობრივი ღორი, ინდაური, ქათამი, წიწილა. ეს ყველაფერი შემოწმებული და ჯანსაღია, რადგან ისინი ჯანსაღი პროდუქტით იკვებებიან. ყოველდღიურად ხდება ჯანსაღი პროდუქტით ჩვენი მაღაზიის შევსება. ასევე გვაქვს რძის პროდუქტების წარმოება. გვაქვს მურაბები, მჟავეულობა, რომლებსაც ჩვენი კომპანია აწარმოებს ყველა სტანდარტის დაცვით. გარდა ნატურალური პროდუქტებისა, გვაქვს მზა პროდუქციაც, ი, რომლებიც სხვა მარკეტებშიცაა. ჩვენს დიდი სუპერმარკეტში გვაქვს პატარა მარკეტიც, სადაც მომხმარებელს შეუძლია ყველანაირი პროდუქციის შეძენა.“
აღსანიშნავია ისიც, რომ ჰიპერმარკეტი „აგროჰაბი“ რძის გადამამუშავებელი საწარმო ISO 22000-ი ხარისხის სერტიფიკატს ფლობს. ისინი 100%-ით ნატურალური რძისგან აწარმოებენ სხვადასხვა რძის პროდუქტს: არაჟანს, მაწონს, ხაჭოს და სხვადასხვა სახის ყველს.
„ჩვენს მაღაზიაში მომხმარებელს შეუძლია შეიძინოს რძის პროდუქტები, რომელბიც 100% ნატურალური რძისგან მზადდება, ყოველგვარი დანამატების გარეშე. ჰიპერმარკეტში გვაქვს ღვინის მარანი, სადაც 11 სახის ჩამოსასხმელი სხვადასხვა ღვინო იყიდება. აღსანიშნავია, რომ ჩვენი აკვარიუმები გვაქვს, სადაც წარმოდგენილია როგორც ქართული კალმახი, ასევე სხვა სახეობის ცოცხალი თევზი. გარდა ამისა, ჩვენს მომხმარებელს შევთავაზებთ იმპორტირებულ ფრეშ და ცოცხალ ზღვის პროდუქტებს. „აგროჰაბში“ ნატურალური აგროპროდუქტების გარდა ოჯახისთვის და დისახლისებისთვის საჭირო სხვა პროდუქტებიც გაიყიდება.“
სუპერმარკეტი „აგროჰაბი“ იმით არის გამორჩეული, რომ აქ ყველაფერი ნატურალურია. ფასებიც ბაზართან მიახლოებული და ხელმისაწვდიმი იქნება მომხმარებლისთვის.
„პროდუქციის ხარისხის შესამოწმებლად კომპანიას სამი სახის ლაბორატორია აქვს: ფიზიო-ქიმიური, მიკრობიოლოგიური და ვეტერინარიული, რომლებიც სრულად არის აღჭურვილი ევროპული დანადგარებით.“
მომავალ წელს კომპანია თბილისსა და რეგიონებში რამდენიმე მარკეტის დამატებას გეგმავს.
მარიამ ლეკიაშვილი
