შესაძლოა, ქვეყანაში მიმდინარე პოლიტიკურ თუ ეკონომიკურ პროცესებს თვალს უფრო მეტი ადამიანი ადევნებს, მაგრამ ჩვენი კულტურა და მის გარშემო მიმდინარე მოვლენებიც არანაკლებ საგულისხმოა და მნიშვნელოვანი, „თბილისი თაიმსი“ კულტურის სამინისტროს დაუკავშირდა. გაეცანით 2017 წელს სამინისტროს მიერ დაგეგმილ ღონისძიებებს და პრიორიტეტებს.
კულტურის სამინისტრო და გეგმები, როგორია პრიორიტეტები…. წლევანდელი ბიუჯეტი როგორ განისაზღვრა?
– საქართველოს სახელმწიფო ბიუჯეტის პრიორიტეტები და მათ ფარგლებში განხორციელებული პროგრამები და ქვეპროგრამები განსაზღვრულია „საქართველოს 2017 წლის სახელმწიფო ბიუჯეტის შესახებ“ საქართველოს კანონის საფუძველზე.
ზაფხულის სეზონისთვის რაიმე მასშტაბური კულტურული ღონისძიებები ან პროექტები ხომ არ იგეგმება?
– საქართველოს კულტურისა და ძეგლთა დაცვის სამინისტროს ფინანსური ხელშეწყობითა და მხარდაჭერით კულტურის სფეროს სხვადასხვა მიმართულებით ყოველწლიურად არაერთი კულტურული ღონისძიება ტარდება და კვლავაც ჩატარდება.
გაირკვა, რომ პროექტ „Check-in Georgia“-ს კულტურის სამინისტრო აღარ აფინანსებს, რა არის ამის მიზეზი?
– პროექტ „Check-in Georgia“-ს ფარგლებში დაგეგმილი 2016 წლის კულტურული ღონისძიებების ორგანიზება საქართველოს კულტურისა და ძეგლთა დაცვის სამინისტრომ საქართველოს მთავრობის განკარგულების საფუძველზე განახორციელა. (პროექტის ორგანიზატორი-სსიპ „კულტურის განვითარების საინვესტიციო ფონდი“)
როგორც ცნობილია, საქართველოს კულტურისა და განათლების სამინისტროების მხარდაჭერით განხორციელებულმა პროექტმა, „კინო სკოლაში“, 2016 წელს ევროკავშირის პროგრამის „Creative Europes“-ს დაფინანსება მიიღო და ამ პროექტის ფარგლებში უცხოელ პარტნიორებთან შეხვედრები წელსაც გრძელდება. მოგვიყევით პროექტის შესახებ. რას მოიცავს, მისი განხორციელების მიზანი რა არის და მოლოდინი რამდენად გაამართლა?
– პროექტი „კინო სკოლაში“ საქართველოს მოზარდ თაობაში კინოხელოვნების პოპულარიზაციას, ანალიტიკური აზროვნებისა და ესთეტიკური აღქმის უნარის განვითარებას, ასევე, ახლა თაობაში კინოს სფეროში ცნობიერების ამაღლებას ისახავს მიზნად. 2016 წლის სეზონის ფარგლებში, კინოჩვენებებს სკოლები საქართველოს სხვადასხვა რეგიონებიდან ესწრებოდნენ, დისკუსიებს მართავდნენ, მოკლემეტრაჟიან სასწავლო ფილმებს იღებდნენ.
„კინო სკოლაში“ 2014 წელს დაიწყო და თავდაპირველად 40 სკოლას მოიცავდა, ამჟამად კი, პროექტში 168 სკოლა და საქართველოს ყველა რეგიონია ჩართული. მათ შორის საოკუპაციო ხაზთან მდებარე მაღალმთიანი სოფლები. პროექტის ფინანსურ მხარდაჭერას საქართველოს კულტურისა და ძეგლთა დაცვის სამინისტრო ახლორციელებს, ხოლო ორგანიზატორი სსიპ „საქართველოს კინემატოგრაფიის ეროვნული ცენტრია“. 2016 წელს პროექტმა „კინო სკოლაში“ ევროკავშირის პროექტის „Creative Europes“-ს დაფინანსება მიიღო და მისი პარტნიორები ბრიტანული ორგანიზაცია „FILM LITERACY EUROPE LIMITED“ და ლიტვისა და ლატვიის კინოცენტრები გახდნენ. პარტნიორებთან თანამშრობლობის შედეგად საერთაშორისო გამოცდილების გაზიარება, ქართული და უცხოური ფილმების ვებ პროტალის შექმნა და მიმდინარე პროცესების მუდმივი მონიტორინგი განხორციელდება.
ეთნიკური უცირესობების წარმომადგენლებისთვის რაიმე სახის კულტურული ღონისძიებები თუ იმართება და რამდენად ხშირად?
– სამინისტროს ერთ-ერთ პრიორიტეტს ფართო საზოგადოებისთვის, განსაკუთრებით ეთნიკური უმცირესობების წარმომადგენლებისთვის, რეგიონის მოსახელობისა და შეზღუდული შესაძლებლობის პირებისთვის, კულტურის ხელმისაწვდომობის გაზრდა წარმოადგენს. ეთნიკური უცმირესობის წარმომადგენელი პირებისთვის სამინისტრო ყოველწლიურად არაერთი კულტურუული ღიონისძიებისა და პროექტის გამართვას უწყობს ხელს. ეთნიკურ უმცირესობათათვის ქვეყნის განვითარების პროცესში სრულფასოვანი მონაწილეობის უზრუნველყოფის მიზნით სამინისტრომ თბილისსა და რეგიონებში(ახალციხე, ახლაქალაქი, ნინოწმინდა, ბოლნისი, მარნეული, გარდაბანი, ერგნეთი) გამართულ 100-მდე ღონისძიებასა და პროექტს შეუწყო ხელი. აღნიშნული ხელშეწყობის ფარგლებში გამოიცა-სომეხი, აზერბაიჯანელი ებრაელი და ოსი მწერლების ნაწარმოებები, გაზეთები რუსულ, სომხურ და აზერბაიჯანულ ენებზე. გაიმართა ფოლკლორული, კლასიკური და ჯაზის მუსიკის ფესტივალები, დაიდგა სპექტაკლები, გამოიცა ალბომები, მოეწყო საღამოები, კონცერტები, გამოფენები. ეროვნული კერძების ფესტივალის თანხლებიით ნაქსოვი აზერბაიჯანული ხალიჩებისა და გობელინის ტრადიციის შენარჩუნებას შეეწყო ხელი.
ღონისძეიებების რაოდენობა წლიდან წლამდე მზარდია და მათ შორის ისეთი ერთობლივი პროექტების, რომელთა განხორციელებაში როგორც ქართველნი, ისე სხვადასხვა ეთნოსის წარმომადგენლები არიან ჩართულნი. პანკისში სამინისტროს ხელშეწყობით 10 ღონისძიება გაიმართა, რომლებიც თბილისიდან თეატრალური კოლექტივების გასტროლებსა და კინოჩვენებებს მოიცავდა. აღსანიშნავია, რომ ეთნიკურ უმცირესობათა კულტურული მემკვიდრეობის მოვლა-პატრონობის მიმართულებით 2012-2016 წლებში 8 პროექტი განხორციელდა. მათ შორის ქ.თბილისის სურბნიშანის სარეაბილიტაციო სამუშაოები (მესამე ეტაპი), შეიქმნა ნოშრევანის ტაძრის რეაბილიტაციის პროექტი, ახალციხის რაბათის კომპლექსში წყვილი აბანოს საკონსერვაციო/სარესტავრაციო პროექტის ფარგლებში ესკიზური პროექტი, თბილისში შამქორელთა ღვთისმშობლის ეკლესიის რეაბილიტაციის პროექტი, ხოლო მუზეუმში „ღია ცის ქვეშ“ ოსური კარმიდამოს რეაბილიტაცია განხორციელდა. წალკის მუნიციპალიტეტში ლუთერანული ეკლესიის მცირე რეაბილიტაციის, ბოლნისის მუნიციპალიტეტში კი სასაფლაოებზე არსებული მავზოლეუმების რეაბილიტაციის პროექტები მომზადდა.
კულტურული პროექტებისა თუ ღონისძიებების ჩატარების მხრივ, რეგიონებში რა მდგომარეობაა, სამინისტროს რა გეგმები აქვს?
– სამინისტროს პრიორიტეტს რეგიონებში კულტურის მხარდაჭერა, მათი საერთაშორისო ასპარეზზე წარმოჩენა, ასევე რეგიონებში თანამედროვე მიმართულებების ინტეგრაცია და განვითარება წარმოადგენს.
2016 წელს რეგიონებში განხორციელებულ პროექტთაგან აღსანიშნავია: ფესტივალი „არტ გენი“, საერთაშორისო ფესტივალი „აღდგომიდან ამაღლებამდე“, შავი ზღვის ჯაზ ფესტივალი, კავკაზ ჯაზ ფესტივალი, ანიმაციური ფილმების საერთაშორისო ფესტივალი „ნიქოზი“, ფესტივალი „ღამის სერენადები“, ვახტანგ კიკაბიძის საიუბილეო კონცერტი ბათუმში, საქართველოს სამუსიკო სკოლების მოსწავლეთა რეგიონალური კონკურსი, ანსამბლ „სუხიშვილების“ კონცერტი, ტრადიციული მუსიკის შემოქმედებით-საგანამანათლებლო ტურები საქართველოს რეგიონებში და სხვ.
ეთნიკურ უმცირესობათა ჯგუფებში, ასევე რეგიონებში კულტურის მხარდაჭერასა და პოპულარიზაციას კულტურის განვითარების გრძელვადიანი დოკუმენტი „კულტურის სტრატეგია 2025“ ითვალისწინებს , რომელიც საქართველოს კულტურისა და ძეგლთა დაცვის სამინისტრომ ფართო საზოგადოებისა და საქართველოს მთავრობის უწყებათაშორისი კომისიის ჩართულობით შეიმუშავა.
ნინო ზარიძე
