„ჩვენ მზად ვართ ვითანამშრომლოთ ყველა იმ ოპოზიციურ ძალასთან, რომელთანაც ღირებულებითი თანხვედრა გვექნება. ეს არის დასავლური ორიენტაციის, ლიბერალური ღირებულებების პოლიტიკური ძალები“. ამის შესახებ „თავისუფალი დემოკრატების“ ახლადარჩეულმა თავმჯდომარემ, შალვა შავგულიძემ, „რუსთავი 2“–ზე, გადაცემა „კურიერის“ ეთერში ისაუბრა.
„მახსოვს ჩვენი მჭიდრო თანამშრომლობა „რესპუბლიკურ პარტიასთან“, საყდრისის საკითხზე ვთანამშრომლობდით ასევე „ნაციონალურ მოძრაობასთან“, გვაქვს ერთნაირი პოზიცია პრეზიდენტის არჩევის წესთან დაკავშირებით
მართალია პარტია ლიდერთა ნაწილმა დატოვა, მაგრამ დარჩა საკმაოდ სოლიდური სახეები, გვყავს წევრები, რომლებსაც საზოგადოება ნაკლებად იცნობს, მაგრამ აქტიური და პერსპექტიულები არიან. ყრილობა იყო იმ მოცულობის, რაც ჩვენი პარტიისთვის ამ ეტაპზე არის საჭირო. ორგანიზაციული საკითხები გადავწყვიტეთ.
პარტიის ფუნქციონირებას არავითარი პრობლემა არ აქვს. დარჩენილი წევრების რესურსი, რეგიონებში, ადგილობრივ ორგანიზაციებში, დაახლოებით 70-80% მაინც შენარჩუნებულია. ჩვენი კარი ღიაა და შევეცდებით, რომ ახალი სახეები და ისეთი ადამიანები მოვიზიდოთ პარტიაში, რომლებთანაც ღირებულებითი თანხვედრა გვაქვს,“ – განაცხადა შალვა შავგულიძემ.
მანანა ღოღობერიძე
