„დღეს ისეთი ვითარებაა, რომ ერთადერთი ამოცანა, რომელიც გამოძიებას აქვს, არის რომ დაიცვას პრემიერმინისტრი. ხელისუფლება დგას თავდაცვითში. ეს ადამიანი შეცდომაში იყო შეყვანილი და მათ ყველაფერი უნდა გააკეთონ იმისთვის, რომ დაიცვან საკუთარი განცხადებების პათოსისგან“. ამის შესახებ ყოფილმა თავდაცვის მინისტრმა, თინა ხიდაშელმა, „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„ურთიერთობები აბსოლუტურად გასულია კანონმდებლობის, პროცედურული და ინსტიტუციური ჩარჩოებიდან. სახელმწიფო თანაბრად უნდა უდგებოდეს ყველას, კანონის წინაშეყველა თანასწორია და ყველაფერი ის, რაც ამ საქმესთან დაკავშირებით ხდება, ამის საწინააღმდეგოა.მთავარი პროკურორის და პრემიერმინისტრის მხრიდან მოწმეების სახით საპატრიარქოში გამოცხადება, თავყრილობის წინაშე და მათთვის ამბის თხრობა, დაუშვებელია.
საპტრიარქო ოფიციალურად დაზარალებულია? ჩართულია როგორც მხარე? რაიმე ტიპის სამართლებრივი სტატუსი აქვს? მას პრივილეგია კანონით, კონსტიტუციით არ აქვს.ნებისმიერი მეუფის, ნებისმიერი თავყრილობა, შეკრება საპატრიარქოში არის იმავე სტატუსის, რაც ჩვენ რომ დავსხდებით სამზარეულოში და ვისაუბრებთ. უნდა გავუფრთხილდეთ ყველანაირი ინსტიტუტის პრესტიჟს. კარგია, რომ საპატრიარქოს გამოძიების მიმართ ნდობა აქვს მაგრამ მეორე მხარეს, დანარჩენ საზოგადოებას კიდევ უფრო მეტად უქრება ნდობა პროკურატურის მიმართ“ , – განაცხადა თინა ხიდაშელმა.
მანანა ღოღობერიძე
