5-6 სექტემბერს თბილისი “კავკასიაში მდრგადი ენერგეტიკის” ფორუმს მასპინძლობს.
თბილისის მერიის ინფორმაციით, ორდღიან ფორუმს ცენტრალური და ადგილობრივი ხელისუფლების, ასევე ექსპერტები და საერთაშორისო დონორი ორგანიზაციების წარმომადგენლები ესწრებიან.
ფორუმის მიზანია, გააერთიანოს ევროპის სამეზობლო პოლიტიკის აღმოსავლეთისა და სამხრეთ კავკასიის ქალაქები, რომლებმაც მერების შეთანხმებას მოაწერეს ხელი.
ასევე, წარმოაჩინოს რეგიონალური და ადგილობრივი ხელისუფლება, როგორც მერების შეთანხმების საკვანძო მოთამაშეები და ცენტრალური ხელისუფლებასთან ერთად, რესურსების ეფექტურად გამოყენება ხელმისაწვდომი გახადოს.
მერების შეთანხმება 4700 ქალაქის მიერ აღებული ვალდებულებაა, რომელშიც 180 მილიონი მოქალაქეა გაერთიანებული. მერების შეთანხმებას თბილისი 2010 წელს შეუერთდა. ფორუმს თბილისის მერის მოადგილე ირაკლი აბესაძე დაესწრო და სტუმრებს სიტყვით მიმართა.
05.09.13
