„მეტს რომ მიენიჭა სტატუსი, ის მივიღეთ,რომ 2013 დან 2016 წლამდე სხვაობა ადმინისტრაციული ხარჯების ამ 7თვითმმართველი ქალაქებიდან, არის 40 მილიონ 200 ათას ლარამდე. ეს არის ფინანსთა სამინისტროს მიერ მოწოდებული ინფორმაცია“. ამის შესახებ რეგიონული განვითარების და ინფრასტრუქტურის მინისტრმა, ზურაბ ალავიძემ ტელეკომპანია „იმედზე“, გადაცემა „ქრონიკის“ ეთერში ისაუბრა.
„თუ ამ მუნიციპალიტეტებს გავაუქმებთ ეს თანხები შემცირდებაო, არავინ საუბრობს. მათი გაუქმება და ახალი თვითმმართველობების შექმნა უნდა ემსახურებოდეს მოსახლეობისთვის ცხოვრების გაუმჯობესებას, ადგილზე შემოსავლების ზრდას და ამ დაყოფებმა ეს შედეგები არ მოგვიტანა. ჩვენ ვსაუბრობთ როგორ გავზარდოთ რეგიონებში ადგილზე რესურსები იმისთვის, რომ ბევრი პროექტი გავაკეთოთ, ინფრასტრუქტურა გავაუმჯობესოთ.
ხალხი უფრო მეტად იყოს ჩართული კულტურულ და სპორტულ ღონისძიებებში. უნდა გაიზარდოს მოსახლეობის ჩართულობა და მივიღოთ ეფექტური მმართველობა. ეს ყველაფერი არის დეცენტრალიზაციის ამოცანა. გარეთ გამოვიდა მხოლოდ ის ინფორმაცია,რომ ქალაქების გაუქმებას აპირებენ, ეს ასე არ არის. არც ის გვითქვამს, რომ გაუქმებით 40 მილიონის ეკონომიკას მივიღებთ, საქმე ისაა,რომ ქალაქის ტიპის დასახლებები ბევრი გვაქვს“ , – განაცხადა ზურაბ ალავიძემ.
მანანა ღოღობერიძე