„წინასწარ შეგვეძლო გვეთქვა,რომ არც ერთ მხარეს არ მოეწონებოდა პრეზიდენტის გამოსვლა. ეს ნიშნავს ზუსტად იმას,რომ პრეზიდენტი დისტანცირებულია ამ პოლიტიკური იწილო–ბიწილოსგან და ცდილობს,რომ გვერდიდან უყუროს პოლიტიკურ პროცესს სახელმწიფოებრივი ინტერესებიდან გამომდინარე“. საკანონმდებლო ორგანოში პრეზიდენტის ყოველწლიური მოხსენების შესახებ და პოლიტიკოსების შეფასებებზე, პოლიტიკის ექსპერტმა, გია ხუხაშვილმა „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„გიორგი მარგველაშვილი პოლიტიკური ლიდერი ნამდვილად არის, მაგრამ არა იმ პარტიული გაგებით,როგორც უმრავლესობას უნდა,რომ დაავიწროვოს. შეთქმულების თეორია,რომ რაღაც საყრდენს ეძებს ოპოზიციაში, დეპუტატებს არ შეეფერებათ მსგავსი თეორიების განვითარება. პრეზიდენტი თავისთავად ინსტიტუციურად არის პოლიტიკური ლიდერი და არ შეიძლება იმაზე ვილაპარაკოთ, რომ დამბალანსებელი, არბიტრი უნდა იყოს. მგონია,რომ კონსტიტუცია არ აქვთ წაკითხული და არ იციან რისი გარანტი უნდა იყოს პრეზიდენტი. ის თავისთავად არის პოლიტიკაში, არა პარტიული გაგებით, არამედ სახელმწიფოებრივი პოლიტიკის გატარების ერთ–ერთი ინსტიტუციური ლიდერია.
ეს იყო არატრადიციულად ხანმოკლე გამოსვლა, შეეხო ფაქტობრივად ყველა საკითხს, დეტალებში ვერ შევიდოდა. უხერხულია,როდესაც პრემიერმინისტრი, ვიცეპრემირი და მინისტრები ერთი და იმავე ტექსტით აკეთებენ კომენტარებს. ესემესით მიიღეს ვიღაც პატარა გოგოს გამოგზავნილი ტექსტი და ყველამ გაიმეორა. სიტყვა ობიექტური უნდა ყოფილიყო ყველგან, რომ პრეზიდენტის ობიექტურობაში შეეტანათ ეჭვი. დაშტამპული ტექსტებით ისაუბრეს და ეს არასერიოზულია. არ ჩანდა არსად,რომ პრეზიდენტს პარტიული პოლიტიკური ამბიციები აქვს, უბრალოდ გამოთქვა სურვილი, რომ მულტიპარტიული დემოკრატიებისკენ წავიდეთ“ , – განაცხადა გიორგი მარგველაშვილმა.
მანანა ღოღობერიძე
