„პრეზიდენტმა მოიგო საზოგადოების გული და ეს არის მთავარი. ამას ვურჩევდი ყველას, უმრავლესობის წარმომადგენლებსაც“. პარლამენტში პრეზიდენტის სიტყვით გამოსვლის შესახებ, პრეზიდენტის პოლიტიკურმა მრჩეველმა, ფიქრია ჩუხრაძემ „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„პრეზიდენტს დარბაზი დიდი გულისყურით უსმენდა, ყველა ის თემა, რომელიც პრეზიდენტმა საზოგადოებას შესთავაზა, იყო სახელმწიფოებრივად აუცილებელ თემებზე, რომელზეც ის ვალდებულია საუბრობდეს. ყველა ის თემა, რომელიც მოხსენებაში იყო წამოწეული, იყო ხალხის საჭიროებებიდან, მათი წუხილებიდან გამომდინარე.
არ მომწონს,როდესაც ხელისუფლების წარმომადგენლები ამბობენ,რომ კრიტიკა არის ხალხისგან მოწყვეტილი. არ ვართ განწყობილი,რომ კრიტიკა არ მოვისმინოთ. უმრავლესობა ამბობს,რომ ეს იყო გადაჭარბებული კრიტიკა, ოპოზიცია ამბობს,რომ ეს არ იყო საკმარისი კრიტიკა. პრეზიდენტმა მოხსენება ყველას პრეზიდენტის განწყობით წარმოადგინა. ბუნებრივია ჩვენ ვერ ვიქნებოდით ვერც რადიკალური ოპოზიცინერები და ვერც მეხოტბე ხელისუფლების ყველა გადაწყვეტილების,ეს არის ჯანსაღი პროცესი“ , – განაცხადა ფიქრია ჩიხრაძემ.
მანანა ღოღობერიძე
