„ერთადერთი, ვისგანაც სასამართლო დაცული უნდა იყოს, არის დღევანდელი მოქმედი მენეჯმენტი და საბჭოს წევრები. სასამართლო კორპუსის დაცვა შეუძლია მხოლოდ მის ავტორიტეტს,რომელსაც ხელისუფლება ლახავს ყოველდიურად“. ამის შესახებ საქალაქო სასამართლოს ყოფილმა თავმჯდომარემ, მამუკა ახვლედიანმა ტელეკომპანია „იმედზე“, გადაცემა „იმედის დროს“ ეთერში ისაუბრა.
„ბოლო პერიოდში იმდენ აბსურდულ ქმედებას ახორციელებენ, კრიტიკის მოსმენაც აღარ სურთ და ერთადერთი რაც უნდათ, არის რომ არავის შეეშინდეს. თითქოს მგლები ღებულობენკანონს ცხვრებთან დაკავშირებით, რომ ისევ მგლებისგან დაიცვან ცხვრები. უნდობლობას სასამართლოს მიმართ იწვევს თავისივე გადაწყვეტილებები.
თუ რაიმე ლანძღვა დღეს მიმდინარეობს, ან წინა პერიოდში ხდებოდა, ძირითადი ადრესატი იყო თვითონ სასამართლოს მენეჯმენტი და მოქმედი საბჭო, ასევე კონკრეტული მოსამართლეები თავისივე გადაწყვეტილებებით. მოქმედი საბჭოს პირობებში სასამართლო შესაძლოა გადაიქცეს ისეთ მექანიზმად,რომ ვერავინ კრიტიკული აზრის გამოთქმა ვერ შეძლოს. დამატებითი კანონები მათი უფლებების დაცვას არ სჭირდება“ , – განაცხადა მამუკა ახვლედიანმა.
მანანა ღოღობერიძe
