„რუსული პროპაგანდისა და დეზინფორმაციის კამპანიის უფრო და უფრო მეტ მაგალითს ვხედავთ. ვაწყდებით პროპაგანდას ტერორისტული ორგანიზაციების მხრიდანაც. მათი სამიზნე ის ღირებულებებია, რასაც ალიანსი ეფუძნება. ამიტომ ფრთხილად უნდა ვიყოთ და არ უნდა დავუშვათ,რომ ცრუ ინფორმაციამ საზოგადოება გახლიჩოს“. ამის შესახებ ნატო–ს გენერალური მდივნის თანაშემწემ, ტაკან ილდემმა ტელეკომპანია „იმედზე“, გადაცემა „ქრონიკის“ ეთერში ისაუბრა.
„ძლიერები უნდა ვიყოთ კომუნიკაციების მიმართულებით და ასევე ძლიერი უნდა იყოს ჩვენი მთავარი გზავნილი. როდესაც შენ გაქვს ძლიერი საშუალება,რომ განუმარტო საზოგადოებას რას ნიშნავს ნატო. ეს ნიშნავს იმას, რომ მათ ექნებათ შესაძლებლობა თვითონ განასხვაონ სიმართლე და ტყუილი. უნდა დავრწუნდეთ,რომ ცრუ ინფორმაცია არ აღიქმება როგორც სიმართლე. პროპაგანდასთან ბრძოლა განსაკუთრებით მნიშვნელოვანია ინტერნეტის და სოციალური მედიის ეპოქაში. ამ გზით ცრუ ინფორმაციის გავრცელებას ძალიან ცოტა დრო სჭირდება.
საქართველო ნატო–ს მნიშვნელოვანი პარტნიორია, ერთ–ერთი ახლო მოკავშირე,რომელიც ნატო–ს წევრობისკენ მიისწრაფის. საქართველო მნიშვნელოვანი კონტრიბუტორია ნატო–ს საერთაშორისო მისიებში. ნატო–საქართველოს არსებითი პაკეტი, წლიური ეროვნული პროგრამა, იმის დასტურია, რომ პარტნიორული ურთიერთობა პროგრესირებადია“ , –განაცხადა ტაკან ილდემმა.
მანანა ღოღობერიძე
