„ძალიან დიდია ინტერესი არა მხოლოდ საფრანგეთში, მის ფარგლებს გარეთ. საფრანგეთს აქვს შანსი, ტალღა შემოაბრუნოს და უარი უთხრას პოპულისტ კანდიდატებს“. საფრანგეთის საპრეზიდენტო არჩევნების მოსალოდნელი შედეგების და კანდიდატთა რეიტინგების ტენდენციების შესახებ, საფრანგეთში საქართველოს ყოფილმა ელჩმა, მამუკა კუდავამ „იმედზე“, გადაცემა „ქრონიკის“ ეთერში ისაუბრა.
„2016 წლის „ბრექსიტი“ და აშშ-ში ტრამპის არჩევა ცნობილია, როგორც ყველაზე მაღალი წერტილი, პოპულიზმის და დემაგოგიის აღზევება პოლიტიკაში. საფრანგეთმა მხარი არ უნდა დაუჭიროს ექსტრემისტ კანდიდატებს, რომლებიც მოითხოვენ საფრანგეთის 70-წლიანი პოლიტიკის შეცვლას და ევროკავშირის ეკონომიკას დაანგრევენ, ასევე დიდ პრობლემას შეუქმნიან ევროს.
ეს არის საკმაოდ უჩვეულო არჩევნები, მე-5 რესპუბლიკის პირობებში მეათედ უწევს ფრანგ მოსახლეობას ხმის მიცემა და ოთხ კანდიდატს ბოლო დღეებამდე რეალური შანსი ჰქონდეს, რომ გავიდეს მეორე ტურში, ასეთი რამ არ მომხდარა. ამ ოთხეულიდან მეორე ტურში გასვლა ნებისმიერს შეუძლია. ეს არჩევნები უკავშირდება ასევე ევროკავშირის მომავალს, რიოგორც მინიმუმ ორი მთავარი კანდიდატი ცალსახად ამბობს, რომ ჩაატარებს რეფერენდუმს ევროკავშირის დატოვების შესახებ“ , – განაცხადა მამუკა კუდავამ.
მანანა ღოღობერიძე