სირიაში ბაშარ ასადის დაქვემდებარებაში მყოფი სამხედრო ძალების მიერ სხვადასხვა ქალაქებში მძიმე შეიარაღებით განხორციელებულ ბოლო ოპერაციებს 72 ადამიანი ემსხვერპლა.
სირიის ადამიანის უფლებათა დაცვის ორგანიზაციის განცხადებით, რეჟიმის ძალებმა ოპოზიციის წინააღმდეგ ნაღმტყორცნებით, ტანკებით, რაკეტებითა და საბრძოლო თვითმფრინავებით განხორციელებული ოპერაციის შედეგად დედაქალაქ დამასკოს გარეუბნებში 34, ალეპოში 9, დერასა და ჰამაში 6-6, იდლიბში 5, ჰომსსა და რაკკაში 4-4, ლაზკიესა და დეირუზ ზორში 2-2 ადამიანი დაიღუპა.
დაღუპულებს შორის 11 ბავშვი, 9 ქალი და 18 თავისუფალი სირიის არმიის წევრია, ასევე დაჭრილია უამრავი ადამიანი, ათობით სახლი კი დაზიანდა.
სირიის ოფიციალური საინფორმაციო სააგენტო ”სანა” კი იტყობინება, რომ უსაფრთხოების ძალების მიერ ქვეყნის მაშტაბით განხორციელებული ოპერაციის შედეგად, რამოდენიმე შეიარაღებული ჯგუფი გაუვნებელყოფილი, ხოლო მათი სატრანსპორტო საშუალებები განადგურებულ იქნა.
11.09.13
