სირიელი ლტოლვილები გერმანიაში ჩავიდნენ

გერმანიის განცხადების შემდეგ, რომ 5 ათას სირიელ ლტოლვილს დროებით თავშესაფარს მისცემდა, ლტოლვილთა პირველი ჯგუფი გერმანიაში ჩავიდა.

107 ადამიანი, რომელთაგანაც 38 ბავშვია, ლიბანის დედაქალაქ ბეირუთიდან გერმანიის ქალაქ ჰანოვერში ჩაიყვანეს.

სირიელ ლტოლვილებს ჰანოვერის აეროპორტში გერმანიის შინაგან საქმეთა მინისტრი ჰანს პეტერ ფრიდრიხი და ქვემო საქსონიის შინაგან საქმეთა მინისტრი ბორის პისტორიუსი დახვდნენ.

გერმანიის შინაგან საქმეთა მინისტრმა განაცხადა, რომ მოითხოვს ევროპაში ლტოლვილთა კონფერენციის მოწვევას.

გერმანიამ 2011 წლიდან დღემდე 18 ათასზე მეტი სირიელი ლტოლვილი მიიღო და რეგიონს 350 მილიონი ევროს დახმარება გაუწია.

სირიელებს გერმანიაში ორ წლიანი ცხოვრებისა და მუშაობის ნებართვას მისცემენ და თუ სირიაში ვითარება არ შეიცვლება, ეს ვადა კიდევ გაგრძელდება.

სირიელი ლტოლვილები ქალაქ გოტინგენის ახლოს მდებარე ფრიდლანდის ბანაკში ორი კვირის მანძიზლე დარჩებიან, საიდანაც სხვადასხვა რეგიონში გადაანაწილებენ.

13.09.13