სრულიად საქართველოს კათოლიკოს-პატრიარქი მოსწავლეებს, სტუდენტებსა და პროფესორ-მასწავლებლებს ახალი სასწავლო წლის დაწყებას ულოცავს.
სასწავლო წლის დაწყებასთან დაკავშირებით უწმინდესი ხვალ, 09:00 საათზე, სიონის საკათედრო ტაძარში პარაკლისს გადაიხდის, რის შემდეგაც ივ. ჯავახიშვილის სახელობის თბილისის სახელმწიფო უნივერსიტეტს ესტუმრება.
12:00 საათისთვის კი ილია მეორე საპატრიარქოს წმინდა ანდრია პირველწოდებულის სახელობის უნივერსიტეტს ეწვევა და სტუდენტებსა და პროფესორ-მასწავლებლებს ახალი სასწავლო წლის დაწყებას მიულოცავს.
მოსწავლეები, სტუდენტები და პროფესორ-მასწავლებლები პატრიარქმა დღევანდელი საკვირაო ქადაგებისასაც დალოცა. “უფალმა მოგცეთ უნარი, ძალა და სიბრძნე, გაუძღვეთ ამ საქმეს და ღირსეულად შეასრულოთ იგი”, – ბრძანა უწმინდესმა.
15.09.13
