რამდენიმე თვის წინ ქართულ ბაზარზე გამოჩნდა კომპანია,რომელიც ადგილობრივ ბაზარზე „ფრის“ აწარმოებს. კომპანია „ფრეკომ“ გაყინული კარტოფილი “ფრის” წარმოება დიწყო და დღეს საკმაოდ მოთხოვნადია ბაზარზე. კომპანია ფრის შემდეგ მომხმარებელს კიდევ ერთ ახალ პროდუქციას სთავაზობს-საბავშვო ჩიფსებს. „თბილისი თაიმსს“ ჩიფსების შესახებ ესაუბრა კომპანიის დირექტორი ირაკლი ქურდაძე
„საბავშვო ჩიფსი „კიკო“ სექტემბრიდან ჩაეშვება რეალიზაციაში. თუმცა ეს არის სატესტო რეჟიმი, ამიტომ მცირე რაოდენობით მიეწოდება მხოლოდ თბილისის მაღაზიათა ქსელებს. პირველ ჯერზე დაახლოებით 20 ათასი 25გრამიანი ჩიფსის მიწოდება მოხდება. ამ რაოდენობით დაიტესტება ბაზარი მომავალ წლამდე.“
რაც შეეხება ფასს, როგორც კომპანიის დირექტორი განმარტავს, სხვა კონკურენტ კომპანიებთან შედარებით, მომხმარებეს საკუთარ პროდუქტს შედარებით დაბალ ფასად სთავაზობენ. 25გრამიანი „კიკოს“ სარეკომენდაციო ფასი იქნება 40 თეთრიდან 50 თეთრამე, დამოკიდებულია უშუალოდ ობიექტზე.
„გარდა დაბალი ფასისა, ჩვენს მომხმარებელს განსხვავებული დიზაინით დამზადებულ ჩიფს ვთავაზობთ. იქნება ტალღოვანი და ჩვეულებრივზე ცოტა მსხვილი. და რაც ყველაზე მთავარია იქნება ქართული ნატურალური სანელებლებით დამზადებული. ასევე ჩვენს მომხმარებეს ვთავაზობთ სხვადასხა გემოს ჩიფს.“
აღსანიშნავია ის, რომ კომპანია ფრეკო ჩიფს სრულიად უვნებელი პროდუქციისგან ამზადებს. საბავშვო ჩიფსი „კიკო“ შეიცავს კარტოფილს, სანელებლებს და იწვება უმაღლესი ხარისხის რაფინირებულ მზესუმსირის ზეთში.
„არ შეიცავს არანაირ დანამატს. მხოლოდ კარტოფილი გაივლის თერმულ დამუშავებას. „კიკო“ იქნება საბავშვო სუფთა ჩიფსი, ყოველგვარი დანამატების გარეშე. თუ ჩიფსს შენახვის ვადა აქვს ერთი წელი ან მეტი გამოიყენება სხვადასხვა ქიმიური დანამატები, რომელიც უხანგრძლივებს პროდუქტს შენახვის ვადას და ხდის ვარგისიანს. რაც შეეხება „ფრეკოს“ ჩიფს, არ გამოვიყენებთ მსგავს დანამატებს. „კიკო“ იქნება ნატურალურ ნედლეულსა და სანალებლებზე დამზადებული. ხოლო მაქსიმალური შენახვის ვადა ექნება ექვსი თვე.
შეგახსენებთ, რომ „ფრეკო“ დაარსდა 2016 წელს. რაც შეეხება თავად წარმოების დაწყებას, უშუალოდ პროდუქტის შექმნა დავიწყეთ 2017 წლის იანვარში.თებერვლიდან უკვე ქართულ ბაზარზეა და დიდი მოწონებითაც სარგებლობს.
მარიამ ლეკიაშვილი