ტურიზმის ეროვნული ადმინისტრაცია ახალ პროექტს იწყებს. ტურიზმის ეროვნული ადმინისტრაციის ინფორმაციით, ფოტოკონკურსი სახელწოდებით – “საქართველო სიცოცხლის ქვეყანა” სამ თვეს გასტანს და ყოველი თვის ბოლოს გამარჯვებული გამოვლინდება.
პროექტი მიზნად ისახავს, ტურიზმის ეროვნული ადმინისტრაციის ფოტობანკის გამდიდრებას და ფოტოგრაფთა წახალისებას.
ყოველი თვე თემატურად იქნება განაწილებული: ოქტომბერი – “ჩემი თვალით დანახული საქართველო”; ნოემბერი – ქართველები “ტიპაჟები”; დეკემბერი – “ზამთარი”.
კონკურსში მონაწილეობის მსურველებმა ტურიზმის ეროვნული ადმინისტრაციის ოფიციალურ “Facebook”-ის გვერდზე “Georgia and Travel”-ზე უნდა გააგზავნონ თავისი გადაღებული ერთი ფოტო, რომელიც შემდგომ “ფეისბუქის” საკონკურსო ალბომში აიტვირთება.
16.09.13
